/5ebfd043bf061_1589628960_medium.jpg)
- 2020-05-17 00:24:00
- ព័ត៌មាន
វត្ថុប្រើប្រាស់១០ សល់ពីការវាយប្រហារគ្រាប់បែកបរមាណូនៅជប៉ុនកាលពីជាង ៧០ឆ្នាំមុន
- 2020-05-17 00:24:00
- ចំនួនមតិ 0 | ចំនួនចែករំលែក 0
វត្ថុប្រើប្រាស់១០ សល់ពីការវាយប្រហារគ្រាប់បែកបរមាណូនៅជប៉ុនកាលពីជាង ៧០ឆ្នាំមុន
ចន្លោះមិនឃើញ
កាលពី ៧៥ឆ្នាំមុន (៦ សីហា ឆ្នាំ១៩៤៥) ជប៉ុនបានទទួលរងការវាយប្រហារដោយគ្រាប់បែកបរមាណូរបស់សហរដ្ឋអាមេរិក ទៅលើទីក្រុងហ៊ីរ៉ូស៊ីម៉ា ដែលបានឆក់យកជីវិតមនុស្សប្រហែល ១៤ម៉ឺននាក់។ រយៈពេលជាង ៧ទសវត្សកន្លងផុតទៅ មានវត្ថុមួយចំនួនបានរក្សាខ្លួននៅសល់ដល់បច្ចុប្បន្ន ដែលមានដូចជា កង់កូនក្មេង ប្រាក់កាក់ កម្ទេចកំទីអាវ កាតាប និងរបស់របរមួយចំនួនទៀតដែលត្រូវបានដាក់តាំងក្នុងសារមន្ទីរ Hiroshima Peace Memorial នៃប្រទេសជប៉ុន ដើម្បីរំលឹកពីអតីតកាលនៃអ្នកដែលបានជួបហេតុការណ៍នៅពេលនោះ។
១. កង់កូនក្មេង
២. តុក្កតាក្មេងស្រី
តុក្កតាមួយនេះជារបស់ក្មេងស្រីឈ្មោះ Chieko Suetomo ដែលជាកាដូពីឪពុកនាង។ បន្ទាប់ពីព្រឹត្តិការណ៍កើតឡើង ពីរបីថ្ងៃក្រោយ Chieko បានប្រទះឃើញតុក្កតានេះនៅក្នុងគំនរផ្ទះរបស់នាង។ Chieko បានរក្សាតុក្កតានេះ និងបានផ្ដល់ទៅឲ្យសារមន្ទីរហ៊ីរ៉ូស៊ីម៉ា។
៣. ប្រអប់អាហារ
នេះជាប្រអប់អាហាររបស់សិស្សវិទ្យាល័យម្នាក់ឈ្មោះ Shigeru Orimen។ ពីរបីថ្ងៃក្រោយព្រឹត្តិការណ៍កើតឡើង ម្ដាយរបស់គេបានរកឃើញប្រអប់អាហារនេះនៅជាប់នឹងសាកសព Shigeru Orimen។
៤. បំណែកអាវ
រូបខាងលើជាកម្ទេចកំទីអាវរបស់បុគ្គលិកក្រុមហ៊ុនអគ្គិសនីម្នាក់ឈ្មោះ Shigezo Kono។ បងប្រុសរបស់បុរសខាងលើបានរកឃើញសាកសពប្អូនប្រុសរបស់គាត់នៅក្នុងកន្លែងធ្វើការ។
៥. បំណែកអាវសិស្សសាលា
នេះជាបំណែកអាវសិស្សវិទ្យាល័យអាយុ១៣ឆ្នាំម្នាក់ឈ្មោះ Toshiaki Asahi ។ ក្រោយពេលរងគ្រោះដោយឆេះរោលលើខ្លួន Toshiaki ព្យាយាមរត់ចេញ និងបានស្លាប់ពេលនៅលើភ្លៅម្ដាយរបស់គេ។
៦. មួកការពារ
ខាងលើជាមួករបស់គ្រូបង្រៀនម្នាក់ឈ្មោះRyo Fukumaru។ អំឡុងពេលដែលគាត់ដឹកនាំសិស្សទៅទស្សនកិច្ចនៅរោងចក្រមួយ លោក Ryo បានរងគ្រោះដោយភ្លើងឆេះរោលពេញខ្លួន លើកលែងតែផ្នែកក្បាល។ សព្វថ្ងៃលោក Ryo នៅមានជីវិតរស់នៅឡើយ ប៉ុន្តែខ្លួនប្រាណគាត់នៅមានជាប់ស្លាកស្នាមរបួសពេញខ្លួន។
៧. កាតាបសិស្ស
នេះជាកាតាបរបស់ក្មេងស្រីឈ្មោះ Mitsuko Kawamura ដែលបានស្លាប់ក្នុងហេតុការណ៍នោះ។ កម្ទេចកំទីកាតាបនេះត្រូវបានបងស្រីរបស់ Mitsuko ប្រទះឃើញកន្លែងអង្គុយរៀនរបស់នាង។
៨. វ៉ាលី
វ៉ាលីនេះជារបស់លោក Tadayori Kihara ។ ខណៈពេលដែលលោកជិះកង់កាត់ស្ពានមួយ មានរលកកម្ដៅបក់បោកមកត្រូវខ្លួនលោករហូតឆេះរោល ទាំងវ៉ាលីផង។ លោកបានរស់នៅបានរយៈ២២ឆ្នាំក្រោយព្រឹត្តការណ៍នោះ និងបានផ្តល់វ៉ាលីនេះរក្សាទុកនៅសារមន្ទីរហ៊ីរ៉ូស៊ីម៉ា។
៩. កាបូបលុយ
ខាងលើនេះជាកាបួបលុយរបស់បុរសម្នាក់ឈ្មោះ Tsukushi Nishimura ។ គេប្រទះឃើញវានៅក្បែរកន្លែងធ្វើការរបស់លោករយៈពេលពីរសប្តាហ៍ក្រោយព្រឹត្តិការណ៍នោះ។
១០. កាក់
មួយសប្ដាហ៍ក្រោយព្រឹត្តិការណ៍ លោក Kinzo Imura បានរកឃើញដុំកាក់នៅក្នុងផ្ទះបងប្អូនរបស់ខ្លួន និងបានយកមករក្សាទុកនៅសារមន្ទីរហ៊ីរ៉ូស៊ីម៉ា៕
រូបភាព៖ CNN
