- 2020-06-02 03:04:50
- ព័ត៌មាន
ដូណាល់ ត្រាំ គំរាមប្រើកងទ័ព និងអាវុធធន់ធ្ងន់បញ្ចប់បាតុកម្មទូទាំងប្រទេស
- 2020-06-02 03:04:50
- ចំនួនមតិ 0 | ចំនួនចែករំលែក 0
ដូណាល់ ត្រាំ គំរាមប្រើកងទ័ព និងអាវុធធន់ធ្ងន់បញ្ចប់បាតុកម្មទូទាំងប្រទេស
ចន្លោះមិនឃើញ
ស្ថានការណ៍បាតុកម្មប្រឆាំងការរើសអើងលើជនជាតិស្បែកខ្មៅនៅអាមេរិកបានឈានដល់បន្ទាត់ក្រហមហើយ ក្រោយក្រុមបាតុករបានវាយកម្ទេចទ្រព្យសម្បត្តិសាធារណៈ និងឯកជនអស់ជាច្រើន ហើយមានក្រុមមួយចំនួនឈានដល់ការចូលលួចឥវ៉ាន់ថែមទៀត។
ចំពោះមុខនឹងស្ថានការណ៍នេះលោក ដូណាល់ ត្រាំ ប្រធានាធិបតីអាមេរិកបានថ្លែងកាលពីម្សិលមិញថា រដ្ឋាភិបាលរបស់លោកនឹងបញ្ជាឲ្យដាក់ពង្រាយកងកម្លាំង ប្រដាប់ដោយអាវុធធន់ធ្ងន់ ក្នុងគោលបំណងគ្រប់គ្រងស្ថានការណ៍ និងបញ្ចប់អំពើហិង្សាទាំងស្រុង។
មិនទាន់មានសេចក្ដីរាយការណ៍ពីចំនួនអស់ស្លាប់ ឬរបួសចំពោះការប៉ះទង្គិចគ្នារវាង ក្រុមបាតុករ និងកងកម្លាំងសន្តិសុខនៅឡើយទេ ដោយសារបច្ចុប្បន្នការបំបែកបាតុករ ប្រើត្រឹមដំបង គ្រាប់បែកផ្សេង និងឧស្ម័នបង្ហូរទឹកភ្នែកប៉ុណ្ណោះ ប៉ុន្តែបើនៅតែអូសបន្លាយទៀត គេសង្ស័យថាស្ថានការណ៍អាចនឹងអាក្រក់ជាងនេះ។
រលកបាតុកម្ម និងហិង្សានៅអាមេរិកផ្ទុះឡើងក្រោយមានជនជាតិស្បែកខ្មៅម្នាក់ឈ្មោះ ចច ផ្លយ ត្រូវប៉ូលិសធ្វើឲ្យស្លាប់កាលពីសប្ដាហ៍មុន ដោយយកជង្គង់សង្កត់.នៅរដ្ឋហ្វីឡាដែលហ្វៀ ក្រោយបុរសរូបនោះចាយក្រដាស២០ដុល្លារក្លែងក្លាយហើយត្រូវប៉ូលិសចាប់ខ្លួនតាមបណ្ដឹងរបស់ម្ចាស់ហាង៕