ប្រទេសនៅអាស៊ី១ សម្រេចបិទសាលាមិនឲ្យសិស្សចូលរៀន ដរាបណាមិនទាន់មានវ៉ាក់ស៊ាំង

2020-06-11 00:00:00
ព័ត៌មាន

2020-06-11 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សសាលារាប់លាននាក់ នឹងមិនអាចត្រឡប់ទៅសាលារៀនវិញក្នុងពេលឆាប់ៗខាងមុខនេះទេ ខណៈពេលដែលជំងឺកូវីដ១៩ កំពុងវាយប្រហារនៅទូទាំងពិភពលោក។

យោងតាមសេចក្ដីប្រកាសផ្លូវការរបស់អាជ្ញាធរហ្វីលីពីនកាលពីថ្ងៃទី ៨ខែមិថុនាកន្លងទៅឲ្យដឹងថា សាលារៀនទាំងអស់នៅក្នុងប្រទេសអាស៊ីមួយនេះ នឹងមិនបើកទ្វារវិញទេដរាបណាវ៉ាក់ស៊ាំងកូវីដ១៩ មិនទាន់ត្រូវបានរកឃើញ។ អាជ្ញាធរហ្វីលីពីនមើលឃើញពីហានិភ័យនៃការវិលត្រឡប់ទៅសាលារៀនវិញខ្លាំងណាស់ បើទោះបីជាប្រទេសអភិវឌ្ឍមួយចំនួនដូចជាបារាំង និងកូរ៉េខាងត្បូងចាប់ផ្ដើមបើកទ្វារសាលារៀនឡើងវិញក៏ដោយ។ អាជ្ញាធរបានសម្រេចជ្រើសរើសវិធីអប់រំផ្សេង ដោយការចាក់បញ្ចាំងមេរៀននៅតាមទូរទស្សន៍ដើម្បីសិស្សអាចបន្ដការសិក្សារបស់ពួកគេ។

បច្ចុប្បន្ននេះ ក្មេងៗនៅហ្វីលីពីនជាទូទៅមិនត្រូវបានអនុញ្ញាតឱ្យចេញទៅខាងក្រៅផ្ទះនោះទេ។ គិតមកត្រឹមថ្ងៃទី ១០ខែមិថុនា ហ្វីលីពីនបានរាយការណ៍ករណីឆ្លងវីរុសសរុប ២២ ៩៩២នាក់ និងស្លាប់ ១ ០១៧នាក់នៅទូទាំងប្រទេស៕

ប្រភព៖ mothership ប្រែសម្រួល៖ រ័ត្ន