សត្វជិតផុតពូជ Bilby ត្រូវលែងក្នុងតំបន់មួយគ្មានប្រភេទសត្វស៊ីសាច់ជាអាហារ

2020-10-09 07:19:20
ព័ត៌មាន

2020-10-09 07:19:20
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វ Bilby ជាសត្វប្រភេទ Marsupial មានត្រចៀកដូចទន្សាយនិងងាយរងគ្រោះ បានត្រូវលែងនៅក្នុងតំបន់ធំមួយគ្មានសត្វស៊ីសត្វឯទៀតជាអាហារនៅក្នុងទីរហោដ្ឋានមួយចម្ងាយ១ពាន់ ២រយ គីឡូម៉ែត្រពីទីក្រុងស៊ីដនី។

ការលែងសត្វទាំងនេះ ជាផ្នែកមួយនៃកម្មវិធីបន្តពូជថ្មីមួយនៅឯសួនសត្វ Taronga Western Plains Zoo ក្នុងរដ្ឋ New South Wales។ ការដោះលែងសត្វ Bilby ១០ក្បាលដើម្បីធ្វើអូស្ត្រាលី វិលត្រឡប់ទៅគ្រាមុនដែលសត្វដើមនៅក្នុងប្រទេសនេះ មិនត្រូវយាយីដោយឆ្មាព្រៃ និងកញ្ជ្រោង។

ចាប់តាំងពីជនជាតិអឺរ៉ុបទៅតាំងលំនៅដ្ឋានក្នុងប្រទេសអូស្ត្រាលី ចំនួនសត្វ Bilby បានចុះថយអស់៨០%។ ទន្សាយ បានប្រជែងជាមួយសត្វប្រភេទ Marsupial ដើម្បីរកអាហារនិងជម្រក។ សត្វទាំងនេះក៏ប្រឈមនឹងការគំរាមកំហែងឯទៀតៗ ដោយសារការរានដី និងភ្លើងឆេះព្រៃ។

Bilby ជាសត្វប្រភេទ marsupial ចេញរកស៊ីនៅពេលយប់ ហើយជីករូងនៅក្រោមដីធ្វើជាទីជម្រកពីសីតុណ្ហភាពខ្ពស់នៅរដូវក្តៅ និងដើម្បីការពារខ្លួនពីពួកសត្វស៊ីសត្វឯទៀតជាអាហារ។ គេស្ទង់ប្រមាណថា នៅសល់សត្វ bilby ប្រមាណ៩ពាន់ក្បាលក្នុងព្រៃក្នុងប្រទេសអូស្ត្រាលី៕