- 2020-12-14 02:06:48
- ព័ត៌មាន
ខំជិះក្របីឃោសនាបោះឆ្នោត ដើម្បីទាញប្រជាប្រិយភាព ចុងក្រោយត្រូវជាប់ចោទពីបទមួយ
- 2020-12-14 02:06:48
- ចំនួនមតិ 0 | ចំនួនចែករំលែក 0
ខំជិះក្របីឃោសនាបោះឆ្នោត ដើម្បីទាញប្រជាប្រិយភាព ចុងក្រោយត្រូវជាប់ចោទពីបទមួយ
ចន្លោះមិនឃើញ
អ្នកនយោបាយឥណ្ឌាម្នាក់ បាននឹកឃើញវិធីកម្រឃើញមួយដើម្បីទាញប្រជាប្រិយភាពពីអ្នកគាំទ្រជាប្រជាកសិករធ្វើស្រែចម្ការ គឺជិះក្របីដើម្បីធ្វើការឃោសនាបោះឆ្នោត ក្នុងយុទ្ធនាការស្វែងរកការគាំទ្ររបស់ខ្លួន។
លោកមានឈ្មោះថា មហាមេដ ប៉ាវេសម៉ាន់ស៊ូរី ត្រូវប្រកួតប្រជែងដើម្បីដណ្ដើមអាសនៈនៅក្នុងក្រុងមួយនៃរដ្ឋប៊ីហា ប្រទេសឥណ្ឌា។ យ៉ាងណាគំនិតច្នៃប្រឌិតជិះក្របីស្វែងរកសំឡេងឆ្នោតរបស់លោក ត្រូវរងការចោទប្រកាន់ពីបទធ្វើបា.បសត្វ។ នេះបើយោងតាមការលើកឡើងរបស់ប៉ូលិស ដែលទៅបញ្ឈប់សកម្មភាពរបស់ ម៉ាន់ស៊ូរី។
យ៉ាងណាអ្នកនយោបាយរូបនោះបានពន្យល់ថាលោកធ្វើដំណើរលើខ្នងសត្វជាជាងធ្វើដំណើរតាមរថយន្ត ឬម៉ូតូគឺក្នុងបំណងឆ្លុះបញ្ចាំងពីកម្រិតបំពុលបរិស្ថានក្នុងក្រុងនេះប៉ុណ្ណោះ គឺគ្មានបំណងធ្វើបា.បសត្វដូចការចោទប្រកាន់ឡើយ។
សកម្មភាពរបស់លោកត្រូវអាជ្ញាធរចោទប្រកាន់ថាបានបំពានគោលការណ៍ណែនាំរបស់គណៈកម្មាធិការជាតិរៀបចំការបោះឆ្នោតដែលមិនអនុញ្ញាតឱ្យប្រើសត្វសម្រាប់យុទ្ធនាការឃោសនា។ ម៉ាន់ស៊ូរី មកពីគណបក្សឈ្មោះ Council Rashtriya Ulama Councilត្រូវឃាត់ខ្លួនពេលឃោសនា តែត្រូវដោះ.លែងវិញ៕
