- 2020-12-15 08:39:52
- ព័ត៌មាន
យានអវកាសចិនត្រឡប់មកផែនដីវិញ ក្រោយចប់បេសកកម្មនៅភពព្រះចន្ទ
- 2020-12-15 08:39:52
- ចំនួនមតិ 0 | ចំនួនចែករំលែក 0
យានអវកាសចិនត្រឡប់មកផែនដីវិញ ក្រោយចប់បេសកកម្មនៅភពព្រះចន្ទ
ចន្លោះមិនឃើញ
ទីភ្នាក់ងារអវកាសចិនបានឲ្យដឹងថា យានអវកាសមួយគ្រឿងរបស់ខ្លួនចាប់ផ្ដើមធ្វើដំណើរត្រឡប់មកភពផែនដីវិញ ក្រោយចំណាយពេលនៅឋានព្រះចន្ទប្រមាណជា២០ថ្ងៃកន្លងមក។
យានអវកាសគ្មានមនុស្សបើក ដែលមានឈ្មោះថា ឆាំងអ័រទី៥ ត្រូវចិនបាញ់បង្ហោះតាំងពីថ្ងៃទី២៤ ខែវិច្ឆិកា កន្លងទៅ និងបានចុះចតជោគជ័យនៅឋានព្រះចន្ទនៅថ្ងៃទី១ ខែធ្នូ។ បេសកកម្មនេះគឺដើម្បីប្រមូលសំណាក ល្បាយដី និងថ្មនានា ពីឋានព្រះចន្ទដើម្បីយកមកធ្វើការវិភាគ។
ចិនបានក្លាយជាប្រទេសដំបូងគេក្នុងការទាញយកសំណាកពីព្រះចន្ទគិតចាប់តាំងពីទសវត្សរ៍ឆ្នាំ ១៩៧០បន្ទាប់ពី សហរដ្ឋអាមេរិក និងសហភាពសូវៀត (រុស្ស៊ី)។ យានអវកាសនេះនឹងចំណាយពេលពី ៥ទៅ ៦ថ្ងៃដើម្បីធ្វើដំណើរមកវិញនឹងត្រូវចុះចតនៅតំបន់ស្វយ័តម៉ុងហ្គោលី៕
