- 2021-01-20 01:00:00
- ព័ត៌មាន
មិន ធឿន «ឈប់បានឈប់ទៅ! កុំយកការសម្លាប់សត្វព្រៃធ្វើអាជីវកម្មដូចធ្វើស្រែ»
- 2021-01-20 01:00:00
- ចំនួនមតិ 0 | ចំនួនចែករំលែក 0
មិន ធឿន «ឈប់បានឈប់ទៅ! កុំយកការសម្លាប់សត្វព្រៃធ្វើអាជីវកម្មដូចធ្វើស្រែ»
ចន្លោះមិនឃើញ
«ឈប់បានឈប់ទៅ! កុំយកការសម្លាប់សត្វព្រៃធ្វើអាជីវកម្មដូចធ្វើស្រែ» នេះជាការលើកឡើងរបស់អតីតទាហានខ្មែរក្រហម លោក មិន ធឿន ដែលសព្វថ្ងៃនេះលោកមន្ត្រីឧទ្យានុរក្សការពារក្នុងដែនជម្រកសត្វព្រៃភ្នំព្រេចក្នុងពេលផ្តល់បទសម្ភាសន៍ជា Sabay ក្នុងដំណើរទស្សនកិច្ចរបស់អ្នកសារព័ត៌មានរយ:ពេល ៥ថ្ងៃ នៅដែនជម្រកសត្វព្រៃស្រែពក នៃតំបន់ព្រៃទេសភាពខ្ពង់រាបភាគខាងកើត ក្នុងខេត្តមណ្ឌលគិរីកាលពីចុងសប្តាហ៍មុន។
លោក មិន ធឿន លើកឡើងថា លោកបាញ់សត្វព្រៃគឺអំឡុងពេលដែលលោកនៅជាទាហានខ្មែរក្រហម រហូតដល់ឆ្នាំ១៩៨០ជាងទើបលោកឈប់។ សត្វដែលលោកបាញ់សម្លាប់ភាគច្រើនគឺសត្វទន្សោង ខ្ទីងណាធំៗដែលត្រូវខ្នាតដែលគេចង់បាន លោកបាញ់សម្លាប់មិនមែនយកសាច់ទេគឺបាញ់យកស្នែងព្រោះស្នែងនេះមានទីផ្សារពួកយវៀតណាមជាអ្នកទិញ។
«នឹងឃើញថាបាញ់អត់ទៅមុខ អត់មាន បាញ់បាន២-៣ក្បាលយកទៅលក់បានលុយ ថាយ៉ាងច្រើនចាយបានកន្លះចុះអស់ដដែល ដល់នឹងឃើញមិត្តភក្តិខ្ញុំហៅឲ្យចូលធ្វើជាមន្ត្រីឧទ្យានុរក្សម្តងជាពីរដងអត់ចូលទេព្រោះគិតថាបានប្រាក់ខែតិចពេក តែក្រោយមកទៀតទើបសម្រេចចិត្តចូលធ្វើការនេះតែម្តង» នេះជាបញ្ជាក់របស់លោក មិន ធឿន មន្ត្រីឧទ្យានុរក្សការពារក្នុងដែនជម្រកសត្វព្រៃភ្នំព្រេច។
ក្រោយបំពេញការងារជាមន្ត្រីឧទ្យានុរក្សអស់រយៈពេលជិត១០ឆ្នាំនៅដែនជម្រកសត្វព្រៃភ្នំព្រេចមកលោក មិន ធឿន បានក្លាយជាមន្ត្រីគំរូទទួលបានលិខិតសរសើរពីក្រសួងបរិស្ថានដែលបានលះបង់ពេលវេលាទាំងថ្ងៃទាំងយប់ និងអាយុជីវិតខិតខំប្រឹងប្រែងការពារធនធានធម្មជាតិ៕