ដំណឹងល្អ! កម្ពុជាត្រៀមនឹងចុះឈ្មោះអ្នកចាក់វ៉ាក់សាំងកូវីដ-១៩នាពេលខាងមុខហើយ

2021-01-27 12:36:14
ព័ត៌មាន

2021-01-27 12:36:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកម្ពុជាត្រៀមនឹងចុះឈ្មោះអ្នកដែលចាក់វ៉ាក់សាំងកូវីដ-១៩ ក្នុងពេលខាងមុខ តាមប្រព័ន្ធអេឡិចត្រូនិក ឬ E-Register នេះបើតាមការលើកឡើងរបស់រដ្ឋមន្ត្រីប្រតិភូអមនាយករដ្ឋមន្ត្រី និងរដ្ឋលេខាធិការប្រចាំការ ក្រសួងសេដ្ឋកិច្ច និងហិរញ្ញវត្ថុ ឯកឧត្ដម វង្សី វិស្សុត នៅវេទិកាសាធារណៈស្ដីពី ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ២០២១ កាលពីព្រឹកថ្ងៃទី២៧ ខែមករា ២០២១។

ឯកឧត្ដមរដ្ឋមន្ត្រីប្រតិភូមានប្រសាសន៍ថា៖ " ...ឥលូវយើងកំពុងតែរៀប Platform Registration [ប្រព័ន្ធចុះឈ្មោះ] មាន ២ដំណាក់ មុនដំបូងលោកជំទាវ យក់ សម្បត្តិថា ភ្នំពេញត្រូវប្រើ App [កម្មវិធី] ក្រសួងសុខាភិបាលវាស្រួល ហើយដល់ពេល Roll Out [ចែកចាយចាក់វ៉ាក់សាំង] យើងត្រូវការ Platform [ប្រព័ន្ធ] មួយធំ ដែលយើងកំពុងរៀបចំនេះ។ Readiness [ភាពត្រៀមខ្លួនទុកមុន] មានហើយ " ។

ឯកឧត្ដមក្នុងពិធីនោះក៏បានថ្លែងថា មន្ត្រីរាជរដ្ឋាភិបាលកំពុងតែពិភាក្សាអំពី លទ្ធកម្មទទួលយកវ៉ាក់សាំង (Pocourment - កិច្ចព្រមព្រៀងក្នុងការទទួលយក) ឃ្លាំងស្តុកទុក និងការរៀបចំកាកសំណល់ ក៏ដូចជា ផែនការនៃការចាក់វ៉ាក់សាំងនេះទៅតាមខែនីមួយៗ ព្រមទាំងគ្រោងនឹងចេញវិញ្ញាប័ណ្ណប័ត្របញ្ជាក់ពីការចាក់វ៉ាក់សាំងផងដែរ។

សូមជម្រាបផងដែរថា ស្រុកខ្មែរយើងត្រូវការចាក់វ៉ាក់សាំង ២០លានដូសសម្រាប់ប្រជាជន ១០លាននាក់ ហើយ ១០ម៉ឺនដូសដំបូងនឹងមកដល់កម្ពុជានៅខែកុម្ភៈ នេះបើយោងតាមប្រសាសន៍របស់លោកជំទាវ ឱ វណ្ណឌីន៕