- 2021-02-08 07:03:17
- ព័ត៌មាន
មិនដែលដឹងសោះ! រាជវាំងចតុមុខកម្ពុជាឈរលេខ៥ ចំណាស់ជាងគេបំផុតក្នុងតំបន់អាស៊ាន
- 2021-02-08 07:03:17
- ចំនួនមតិ 0 | ចំនួនចែករំលែក 0
មិនដែលដឹងសោះ! រាជវាំងចតុមុខកម្ពុជាឈរលេខ៥ ចំណាស់ជាងគេបំផុតក្នុងតំបន់អាស៊ាន
ចន្លោះមិនឃើញ
តំបន់អាស៊ាន ធ្លាប់ជាបណ្ដុំប្រទេស ដែលគ្រប់គ្រងដោយស្ដេច និងរបបរាជានិយមអស់កាលរាប់សតវត្ស តាំងពីបុរាណ រហូតដល់សព្វថ្ងៃ។
បើទោះជាបច្ចុប្បន្នប្រទេសខ្លះកែប្រែរបបពីមានស្ដេច មកជារបបប្រធានាធិបតីគ្រប់គ្រង ក៏ពិតមែនប៉ុន្តែក៏នៅមានប្រទេសមួយចំនួន នៅគោរពប្រតិបត្តិព្រះមហាក្សត្រដដែលតួយ៉ាងដូចជា កម្ពុជា, ថៃ, ម៉ាឡេស៊ី និងប្រ៊ុយណេ ជាដើម។ ដោយឡែកប្រទេសលែងមានស្ដេចគ្រប់គ្រងមួយចំនួនវិញ ក៏នៅតែ ថែរក្សា និងអភិរក្សបានយ៉ាងល្អ នូវប្រពៃណី ទំនៀមទម្លាប់ សំណង់ពាក់ព័ន្ធនឹងរាជានិយម ដូចជារាជវាំង រាជដំណាក់។
នៅអាស៊ាន ព្រះរាជវាំងដែលនៅរក្សារូបរាងបានល្អ ហើយបន្តសេសសល់ដល់សព្វថ្ងៃ និងចាស់ជាងគេគឺរាជវាំង The Palace of Yogyakarta កសាងពីឆ្នាំ ១៧៥៥-១៧៥៦ បច្ចុប្បន្នស្ថិតនៅប្រទេសឥណ្ឌូណេស៊ី។ រាជវាំងចាស់បន្ទាប់ទី២គឺ The Grand Palace របស់ថៃកសាងពីឆ្នាំ ១៧៨២ ស្ថិតក្នុងរាជធានីបាងកក។
លេខ៣ គឺរាជវាំង The Hue Imperial City កសាងឆ្នាំ ១៨០៤ ស្ថិតក្នុងប្រទេសវៀតណាម។ លេខ៤គឺរាជវាំង The Mandalay Palace កសាង ១៨៥៧-១៨៥៩។ លេខ៥គឺព្រះបរមរាជវាំង ចតុម្មុខមង្គលសកលរបស់កម្ពុជាស្ថិតក្នុងរាជធានីភ្នំពេញកសាងឆ្នាំ ១៨៦៦ ដល់១៨៧០។ លេខ៦ គឺ The Royal Palace Luang Prabang របស់ឡាវកសាងឆ្នាំ ១៩០៤។
លេខ៧គឺរាជវាំង The Istana Negara នៃរាជាណាចក្រសហព័ន្ធម៉ាឡេស៊ីកសាងឆ្នាំ ១៩២៨ និងចុងក្រោយលេខ៨គឺព្រះរាជវាំង The Istana Nurul Iman នៃប្រទេសដែនកោះព្រុយណេ កសាងឆ្នាំ១៩៨៤។ បច្ចុប្បន្ន ឡាវ, វៀតណាម, មីយ៉ាន់ម៉ា, ឥណ្ឌូណេស៊ី លែងជាប្រទេសរាជានិយមហើយ៕
