មូលដ្ឋានទ័ពអាកាសអាមេរិកនៅទីក្រុងបាកដាដ ប្រទេសអ៊ីរ៉ាក់ ត្រូវបានគ្រាប់រ៉ុក្កែតបាញ់ស្រោចជាង១០គ្រាប់បណ្តាលឲ្យមានកងកម្លាំងអាមេរិកស្លាប់ម្នាក់និងផ្សេងទៀតរបូស ។

បើតាមការឲ្យដឹងពីលោកមេបញ្ជាការ កងទ័ពអាមេរិក Wayne Marotto គ្រាប់​រ៉ុក្កែត​ទាំង​នោះ​ត្រូវ​បាន​បាញ់​ចំមូលដ្ឋាន​ទ័ព​អាកាស​ Ain al-Asad ​ក្នុង​ខេត្ត​ Anbar ​នៅ​វេលា​ម៉ោង​៧​និង​២០​នាទី​ព្រឹក។​ កងកម្លាំងជាប់កិច្ចសន្យាអាមេរិកម្នាក់បានស្លាប់និងមួយចំនួនទៀតរងរបួស។ យោធាអ៊ីរ៉ាក់ចេញសេចក្តីប្រកាសថា គេបានរកឃើញជើងទម្រសម្រាប់បាញ់រ៉ុក្កែតនោះហើយ ដោយសន្និដ្ឋានថាអាចជាការសកសឹងពីសំណាក់កងជីវពលអ៊ីរ៉ង់ ទៅលើសហរដ្ឋអាមេរិក។

មូលដ្ឋានទ័ពកងជីវពលដែលគាំទ្រដោយអ៊ីរ៉ង់នៅសុីរី ត្រូវបានលោកប្រធានាធិបតី ចូ បៃដិន បញ្ជាឲ្យបើកការវាយប្រហារកាលពីពេលថ្មីនេះៗ។ ការបាញ់ប្រហារដោយគ្រាប់រ៉ុក្កែតជាង ១០ គ្រាប់ ទៅលើមូលដ្ឋានទ័ពអាមេរិកនៅទឹកដីអ៊ីរ៉ាក់នេះអាចជាហេតុផលមួយក្នុងការសងសឹងទៅលើចំណាត់ការបស់រដ្ឋបាលក្រុងវ៉ាសុីនតោន។​ បន្ទាប់ពីការវាយប្រហារដោយគ្រាប់រ៉ុក្កែត នៅ​មិន​ទាន់​មាន​ក្រុម​ណាមួយ​ហ៊ានប្រកាស​ទទួល​ខុស​ត្រូវចំពោះ​ការ​វាយ​ប្រហារ​នេះ​នៅ​ឡើយ​ទេ៕