- 2021-04-16 09:37:48
- ព័ត៌មាន
CEO របស់ Pfizer ថាអ្នកចាក់វ៉ាក់សាំង២ដូសហើយ ទំនងជាត្រូវចាក់ដូសទី៣ទៀត
- 2021-04-16 09:37:48
- ចំនួនមតិ 0 | ចំនួនចែករំលែក 0
CEO របស់ Pfizer ថាអ្នកចាក់វ៉ាក់សាំង២ដូសហើយ ទំនងជាត្រូវចាក់ដូសទី៣ទៀត
ចន្លោះមិនឃើញ
លោក Albert Bourla ប្រធានក្រុមហ៊ុន Pfizer បានអះអាងថាអ្នកចាក់វ៉ាក់សាំងកូវីដ១៩ ចំនួន២ដូសរួចហើយ ទំនងជាត្រូវចាក់ដូសទី៣ទៀត នៅ៦ខែបន្ទាប់ ដើម្បីរក្សាប្រសិទ្ធភាពវ៉ាក់សាំងការពារបានល្អ។
តាមការសិក្សាកន្លងមកវ៉ាក់សាំង Pfizer អាចការពារបានល្អ លើស៩០% ហើយអ្នកដែលចាក់បាន២ដូសហើយ គឺអាចមានរយៈពេលការពារខ្លួនពីវីរុសកូវីដ១៩ បានដល់៦ខែដល់១២ខែ។ ទន្ទឹមគ្នានេះដែរ ក្រុមហ៊ុនកំពុងសិក្សាចាក់ដូសទី៣បន្ថែមទៀត ដើម្បីបង្កើនប្រសិទ្ធភាពវ៉ាក់សាំង។ ដោយដូសទី៣នេះ ទំនងជាត្រូវចាក់បន្ទាប់ពីចាក់ដូសទី២បាន៦ខែហើយ។
បើតាមលោក Bourla បានបង្ហើបថាវាអាចទៅរួចដែលគ្រប់គ្នាត្រូវចាក់វ៉ាក់សាំងកូវីដ១៩ នេះជាប្រចាំឆ្នាំតែម្ដង។ ដែលដូចទៅនឹងវ៉ាក់សាំងការពារជំងឺផ្ដាសាយដែរ។ រំលឹកថា Pfizer នេះ ជាវ៉ាក់សាំងដែលកំពុងពេញនិយម ហើយសហរដ្ឋអាមេរិកកំពុងប្រើប្រាស់វាសម្រាប់ចាក់ឱ្យប្រជាជន ជាមួយវ៉ាក់សាំងមួយប្រភេទទៀតគឺ Moderna ៕