១ករណីថ្មីទៀតហើយ ផ្ទុះឆ្លងក្នុងវត្ត លើព្រះសង្គច្រើនអង្គ និង មនុស្សច្រើននាក់ក្នុងវត្តមួយ នៅរាជធានីភ្នំពេញ

2021-06-17 09:31:02
ព័ត៌មាន

2021-06-17 09:31:02
ចំនួនមតិ 0 | ចំនួនចែករំលែក 0

ចន្លោះមិនឃើញ

នាថ្ងៃទី ១៧ ខែមិថុនា ឆ្នាំ២០២១ មានការផ្ទុះឆ្លងជំងឺកូវីដ១៩ នៅក្នុងវត្តចង្ក្រានតាព្រហ្ម ហៅវត្តស្ទឹងមានជ័យ ស្ថិតតាមបណ្តោយផ្លូវលេខ២១៧ ក្នុងសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។ ព្រះសង្ឃជាច្រើនអង្គ និងមនុស្សច្រើននាក់ ត្រូវបានក្រុមគ្រូពេទ្យធ្វើតេស្ត និងយកសំណាក នៅក្នុងទីតាំងវត្តផ្ទាល់តែម្តង។

ជាលទ្ធផលតេស្ត ក្នុងចំនោមមនុស្ស ៣៧៣ នាក់ នៅក្នុងវត្ត រកឃើញមានវិជ្ជមានកូវីដចំនួន ៣៩ នាក់ ដែលក្នុងនោះ មាន ព្រះសង្ឃចំនួន ២២ អង្គ បានឆ្លង និងរួមមាន តាជីយាយជី ០៣នាក់ , និស្សិតស្នាក់នៅក្នុងវត្ត ០២នាក់ និងប្រជាពលរដ្ឋលក់ដូរក្នុងវត្ត ១២នាក់ផងដែរ។ ក្រោយពិនិត្យឃើញមានវិជ្ជមានកូវីដ១៩ហើយនោះ ព្រះសង្ឈ និងអ្នកពាក់ព័ន្ធទាំង៣៩អង្គនាក់ ត្រូវបានក្រុមគ្រូពេទ្យនិមន្ត និងដឹកតាមរថយន្តយកទៅកាន់កន្លែងសម្រាកព្យាបាលផងដែរ ។ ដោយឡែក ព្រះសង្ឈ និងអ្នកដែលឆ្លងកាត់ការតេស្តសំណាកហើយមិនមានវិជ្ជមានកូវីដ១៩នោះ គឺតម្រូវអោយធ្វើចត្តាឡីស័ក្ត១៤ថ្ងៃ នៅក្នុងវត្តផងដែរ ។ នេះបើតាមប្រភពព័ត៌មានក្នុងស្រុក កោះសន្តិភាព។

យ៉ាងណាមិញ ជុំវិញករណីនេះដែរ បើតាមការបញ្ជាក់ពី ពីមន្ត្រីអាជ្ញាធសង្កាត់ស្ទឹងមានជ័យ១ អោយដឹងថា ដំបូងឡើយ គឺមានតាអាចារ្យម្នាក់នៅក្នុងវត្តបានស្លាប់ ហើយក្រោយការស្លាប់ហើយនោះ ក្រុមគ្រូពេទ្យបានធ្វើការតេស្តិ៍សំណាក ពិនិត្យឃើញមានវិជ្ជមានកូវីដ១៩ ។ ក្រោយការពិនិត្យឃើញហើយនោះ មិនបានប៉ុន្មានថ្ងៃក្រោយមកស្រាប់តែមានព្រះសង្ឈ១អង្គបាន ពិនិត្យសំណាក ឃើញមានវិជ្ជមានកូវី១៩ដែរ ។ ក្រោយមានព្រះសង្ឈ១អង្គមានវិជ្ជមានហើយនោះ ក្រុមអាជ្ញាធរបានចុះ ហ៊ុំព័ទ្ធទីតាំងវត្តទាំងមូល ដោយចាក់សោរទ្វាររបងវត្ត និងតម្រូវអោយព្រះសង្ឈ តាជីយាយជី និងអ្នកពាក់ព័ន្ធនៅក្នុងវត្តទាំងអស់ ត្រូវធ្វើសំណាក ។ លុះរហូតដល់វេលាព្រឹកថ្ងៃទី១៧ ខែឆ្នាំខាងលើ ក្រុមគ្រូពេទ្យបានចុះទៅធ្វើសំណាកដល់ក្នុងវត្ត ហើយក៏ពិនិត្យឃើញ មានវិជ្ជមានកូវីដ១៩ ចំនួន៣៩អង្គនាក់តែម្តងទៅ ៕