- 2021-06-26 09:35:13
- ព័ត៌មាន
ស្រណោះ! ថ្មលយ គិរីរម្យដែលធ្លាប់ស្រស់ស្អាត ប្រែក្លាយជាកន្លែងចោលសំរាម និងដបស្រាពាសវាល
- 2021-06-26 09:35:13
- ចំនួនមតិ 0 | ចំនួនចែករំលែក 0
ស្រណោះ! ថ្មលយ គិរីរម្យដែលធ្លាប់ស្រស់ស្អាត ប្រែក្លាយជាកន្លែងចោលសំរាម និងដបស្រាពាសវាល
ចន្លោះមិនឃើញ
ថ្មលយ គិរីរម្យគឺជាចំណុចដ៏ទាក់ទាញមួយសម្រាប់អ្នកទេសចរនិយម ការដើមព្រៃលក្ខណៈផ្សងព្រេង មើលថ្ងៃលិច បោះតង់ ដុតភ្លើង អង្គុយលេងពេលរាត្រី ដោយសារទីនោះមានទេសភាពព្រៃឈើ ខ្ពង់រាប និងភ្នំព័ទ្ធជុំវិញ។
សម្រាប់ការធ្វើដំណើរដើម្បីទៅដល់ទីតាំងថ្មលយ គីរីរម្យ ភ្ញៀវទេសចរមានភាពងាយស្រួល ពីព្រោះមិនចាំបាច់ធ្វើដំណើរថ្មើរជើង និងធ្វើដំណើរឆ្លងទឹក រឺក៏ជិះទូកឡើយ។ ទេសចរអាចជិះ ម៉ូតូ ឬរថយន្តឡើងដល់ទីតាំងនោះផ្ទាល់តែម្ដង ថែមទាំងមិនចាំបាច់ចំណាយលុយថ្លៃចំណតអ្វីឡើយ។
យ៉ាងណាសន្ទុះនៃការទៅកម្សាន្តនៅគិរីរម្យរាប់ពាន់នាក់ក្នុង១ថ្ងៃៗ នៅមួយរយៈចុងក្រោយនេះ បានធ្វើឲ្យ ថ្មលយ ដែលពីមុនជាទីស្ងប់ស្ងាត់ មានពណ៌បៃតងស្រស់ប្រែក្លាយជាកន្លែងចោលសំរាមយ៉ាងអនាធិបតេយ្យបំផុត ដោយសារអ្នកទៅដល់ទីនោះបានចោលសំរាមគ្រប់ប្រភេទមានតាំងពីដបស្រា ដបទឹកសុទ្ធ ថង់ប្លាស្ទិច និងសំបកកេសដោយមិនញញើតដៃ។
ប្រភពព័ត៌មានពីអ្នកដែលបានទៅទីតាំងនោះឲ្យដឹងថា អ្នកទេសចរភាគច្រើនជាងយុវវ័យស្ទាវៗ បានទៅទីនោះកកកុញ មានទាំងជក់បារី ផឹកស៊ី ចាក់បាស បើក Speaker ឭៗ បង្កសំឡេងរំខាន មុនចុះទៅវិញបន្សល់ទុកនូវសំរាមចោល ពេញព្រៃដោយមិនខ្វល់ខ្វាយអ្វីទាំងអស់ដល់បរិស្ថាន និងធម្មជាតិដែលធ្លាប់ស្រស់ស្អាត។
ប្រជាពលរដ្ឋ ក៏ដូចជាភ្ញៀវទេសចរ ដែលស្រឡាញ់បរិស្ថាន បានទទូចឲ្យអាជ្ញាធរ មេត្តាទប់ស្កាត់សកម្មភាពនេះ ពិសេសគឺការប្រើ Speaker បង្កសំឡេងរំខាន និងការចោលសំរាមដើម្បីឲ្យរមណីយដ្ឋានគិរីរម្យនៅរក្សាសោភ័ណភាព បរិស្ថានគង់វង្សទៅមុខទៀត៕ រូបថត៖ សំអឿន គីរីរម្យ
