- 2021-07-26 02:40:24
- ព័ត៌មាន
ក្រសួងប្រាប់វិធី ៥ យ៉ាងបញ្ចៀសការឆ្លងវីរុសកូវីដ-១៩ ដែលអាចមាននៅក្នុងចំណីអាហារ
- 2021-07-26 02:40:24
- ចំនួនមតិ 0 | ចំនួនចែករំលែក 0
ក្រសួងប្រាប់វិធី ៥ យ៉ាងបញ្ចៀសការឆ្លងវីរុសកូវីដ-១៩ ដែលអាចមាននៅក្នុងចំណីអាហារ
ចន្លោះមិនឃើញ
បន្ទាប់ពីមានសិក្សាថ្មីមួយបានបង្ហាញថា វីរុសសកូវីដ១៩ អាចមានវត្តមាននៅក្នុងចំណីអាហារដែលកខ្វក់ និងមិនស្អាត ក្រសួងសុខាភិបាលបានចេញសេចក្តីណែនាំ ដើម្បីឲ្យបងប្អូនប្រជាពលរដ្ឋបង្កើនការប្រុងប្រយ័ត្ន ជាពិសេសលើចំណីអាហារដែលទិញមកទីផ្សារមកបរិភោគជារៀងរាល់ថ្ងៃ។
ខាងក្រោមនេះ ជាគន្លឹះទាំង៥ យ៉ាងនេះ ដែលចេញដោយក្រសួងសុខាភិបាល នៅថ្ងៃទី ២៥ កក្កដា ឆ្នាំ ២០២១ ក្នុងការចម្អិន បរិភោគ រក្សាទុកចំណីអាហារ ឲ្យមានសុវត្ថិភាពល្អ ក្នុងបរិបទប្រយុទ្ធកូវីដ១៩៖
១. ការក្សាអនម័យ
ត្រូវលាងសំអាតដៃឲ្យបានញឹកញាប់ ជាមួយសាប៊ូ និងទឹកស្អាត ឬទឹកអាល់កុល ឬជេល លាងសំអាតដៃ មុននិងក្រោយ ចាប់កាន់ចំណីអាហារ ម្ហូបអាហារកក សាច់កក អាហារស្រស់ បន្លែផ្លែឈើជាដើម
ជូតសំអាតវត្ថុ និងផ្ទៃនានា ដែលសង្ស័យថាមានប្រឡាក់ ឲ្យបានស្អាតជានិច្ច ជាមួយសាប៊ូ និងទឹកស្អាត
២. ទុកដាក់អាហារដែលឆ្អិន និងឆៅ ឲ្យនៅដាច់ដោយឡែកពីគ្នា
៣. ចម្អិនអាហារឲ្យបានឆ្អិនល្អ ជាពិសេសសាច់ សត្វស្លាប ស៊ុត អាហារសមុទ្រ និងអាហារដែលយកចេញពីការបង្កក ចៀសវាងការចម្លងវីរុស ឬមេរោគជាយថាហេតុ
៤. មិនត្រូវរក្សាអាហារជាច្រើនថ្ងៃ ទោះជាស្ថិតនៅកម្រិតសីតុណ្ហភាពសុវត្ថិភាពក៏ដោយ
បើយើងរក្សាអាហារក្នុងប្រព័ន្ធត្រជាក់ គឺត្រូវឲ្យនៅក្រោមសីតុណ្ហភាព ៥អង្សាសេ
បើយើងរក្សាអាហារក្នុងប្រព័ន្ធកំដៅ ត្រូវឲ្យលើសពីសីតុណ្ហភាព ៦០អង្សាសេ
៥. ប្រើប្រាសទឹក និងវត្ថុធាតុដើមដែលមានសុវត្ថិភាព
បន្ថែមពីនេះ ក្រសួងសុខាភិបាលក៏បានក្រើនរំឭក ដល់បងប្អូនប្រជាពលរដ្ឋទាំងអស់ ជាពិសេសយុវវ័យ សូមបន្តការប្រុងប្រយ័ត្នឲ្យបានខ្ពស់ ការពារខ្លួនជានិច្ច កុំភ្លេចខ្លួនឲ្យសោះ ត្រូវចេះផ្លាស់ប្តូរទម្លាប់រស់នៅរបស់ខ្លួន ឲ្យស្របតាមការ រៀនរស់នៅជាមួយវត្តមានវីរុសកូវីដ១៩ និងបន្តអនុវត្តឲ្យបានខ្ជាប់ខ្ជួននូវវិធានការ ៣កុំ និង ៣ការពារ ៕