/61b0ba03be275_1638971880_medium.jpg)
- 2021-12-08 14:02:31
- ព័ត៌មាន
សិង្ហបុរីបានផលិត ឧបករណ៍តេស្តកូវីដ-១៩ តាមរយៈទឹកមាត់ មានប្រសិទ្ធភាពដូច PCR តេស្ត
- 2021-12-08 14:02:31
- ចំនួនមតិ 0 | ចំនួនចែករំលែក 0
សិង្ហបុរីបានផលិត ឧបករណ៍តេស្តកូវីដ-១៩ តាមរយៈទឹកមាត់ មានប្រសិទ្ធភាពដូច PCR តេស្ត
ចន្លោះមិនឃើញ
អ្នកវិទ្យាសាស្ត្រនៅប្រទេសសិង្ហបុរី បានផលិតឧបករណ៍តេស្តកូវីដ-១៩ តាមរយៈទឹកមាត់ មានឈ្មោះថា Saliva ART ដែលមានប្រសិទ្ធភាពដូច PCR តេស្ត ប៉ុន្តែចំណាយរយៈពេល ១៥នាទី ដើម្បីដឹងពីលទ្ធផលវិជ្ជមាន ឬអវិជ្ជមាននៃជំងឺកូវីដ-១៩។ បើយោងតាមការចុះផ្សាយរបស់ The Straitstimes នៅក្នុងថ្ងៃនេះ។
ឧបករណ៍តេស្តកូវីដ-១៩ តាមរយៈទឹកមាត់នេះ អាចឲ្យធ្វើការតេស្តដោយខ្លួនឯងបាន ដែលមានប្រសិទ្ធភាពរហូតទៅដល់ ៩៧% ឯណោះ ដោយទោះជាកូវីដ-១៩នោះ ជាប្រភេទអូមីក្រុងក៏ដោយ ក៏ឧបករណ៍តេស្តថ្មី ក៏អាចតេស្តដឹងដែរ។
ការសិក្សាស្រាវជ្រាវរកឃើញឧបករណ៍តេស្តកូវីដ-១៩ នេះ កើតចេញពីការសហករណ៍គ្នារវាងអ្នកវិទ្យាសាស្ត្រនៅ សាលាពេទ្យ Duke-NUS ពេទ្យទូទៅសិង្ហបុរី (SGH), មជ្ឈមណ្ឌលឯកទេសមហារីកជាតិសិង្ហបុរី (NCCS) និងសកលវិទ្យាល័យជាតិសិង្ហបុរី (NUS) ។
ឧបករណ៍តេស្តកូវីដ-១៩ តាមរយៈទឹកមាត់នេះ អាចនឹងដាក់លក់ទូទៅនៅចន្លោះពី ៣ខែ ទៅ៦ខែ ដោយនៅខណៈនេះកំពុងរង់ចាំការត្រួតពិនិត្យបន្ថែម ឯកភាពពីអាជ្ញាធរសុខាភិបាលនៅសិង្ហបុរី៕
