លែងមានមន្ទិល ឯកឧត្តម ហ៊ុន ម៉ាណែត ត្រូវបានជ្រើសតាំងផ្លូវការជាបេក្ខភាពនាយករដ្ឋមន្ត្រីអនាគត

2021-12-24 04:28:13
ព័ត៌មាន

2021-12-24 04:28:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្តម ហ៊ុន ម៉ាណែត ជាបុត្រាច្បងរបស់សម្ដេចតេជោ ហ៊ុន សែន ត្រូវបានជ្រើសតាំងជាបេក្ខភាពនាយករដ្ឋមន្ត្រីនាពេលអនាគតហើយ។ នេះបើតាមទំព័ររបស់ BTV News ដែលដកស្រង់ខ្លឹមសារពីសន្និបាតរបស់គណបក្សប្រជាជន។

នេះជាលទ្ធផល ជាការសង្កត់ន័យទៅហ្នឹងអ្វីដែលសម្ដេចតេជោ ហ៊ុន សែន បានព្រលយកាលពីថ្ងៃថ្មីៗ ដោយសម្ដេចបានលើកឡើងនៅសុន្ឬរកថាក្នុងពិធីសម្ពោធហេដ្ឋារចនាសម្ព័ន្ធ ស្ថានីយប្រព្រឹត្តកម្មទឹកកខ្វក់ និងសមិទ្ធើផលនានានៅខេត្តព្រះសីហនុកាលពីថ្ងៃទី ២ ធ្នូ ២០២១នេះ។ គ្រានោះ សម្ដេចបានលើកឡើងថា សម្ដេចគាំទ្រកូនប្រុសច្បងសម្ដេច ជាបេក្ខភាពនាយករដ្ឋមន្ត្រីបន្ទាប់។

យ៉ាងណា សម្ដេចបានបញ្ជាក់ដែរថា ជាមួយគ្នា សម្ដេចក៏មើលឃើញបេក្ខភាពផ្សេងទៀតក្នុងតំណែងនេះដែរ ដែលទាមទារការបោះឆ្នោតជ្រើសតាំង។ បន្តពីនោះ ក៏មានសារជូនពរជាច្រើនពីក្រុមអ្នកគាំទ្រឯកឧត្តម ហ៊ុន ម៉ាណែត បើទោះការជ្រើសតាំងផ្លូវការមិនទាន់ប្រព្រឹត្តឡើងក៏ដោយ។

រហូតមកដល់ព្រឹកថ្ងៃទី ២៤ ខែឆ្នាំដដែលនេះ សន្និបាតគណបក្សប្រជាជន បានសម្រេចជាឯកច្ឆ័ន្ទគាំទ្រសម្ដេចតេជោ ហ៊ុន សែន ជាបេក្ខភាពនាយករដ្ឋមន្រ្តី និងជ្រើសតាំង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តី សម្រាប់ពេលអនាគត៕

អត្ថបទ៖ ទារិកា