/61d4fc7e48854_1641348180_medium.jpg)
- 2022-01-05 02:20:38
- ព័ត៌មាន
អ្នកតាកែវតិចមិនដឹង! សត្វក្រៀលដ៏កម្រ វិលត្រឡប់មកតាកែវវិញជាច្រើនក្បាល
- 2022-01-05 02:20:38
- ចំនួនមតិ 0 | ចំនួនចែករំលែក 0
អ្នកតាកែវតិចមិនដឹង! សត្វក្រៀលដ៏កម្រ វិលត្រឡប់មកតាកែវវិញជាច្រើនក្បាល
ចន្លោះមិនឃើញ
សត្វ "ក្រៀល" ជាភាសាខ្មែរ និងជាភាសាអង់គ្លេស Sarus Crane បានវិលត្រឡប់មកកាន់ទីកន្លែងកាច់សំបុកដដែលវិញ គឺបឹងព្រែកល្បៅ មានភូមិសាស្ត្រក្នុងខេត្តតាកែវ។ នេះបើតាមលោក ស៊ួង ម៉ារឌី ដែលជាអ្នកថតរូបអាជីពមួយរូប ដែលបានធ្វើដំណើរវែងឆ្ងាយទៅផ្ដិតយករូបភាពពីគ្រួសារសត្វក្រៀលមកចែកជូនប្រិយមិត្តបានឃើញ និងបានស្គាល់។
ក្រោយបេសកកម្មនេះលោក ម៉ារឌី បានបញ្ចេញស៊េរីរូបភាពច្រើនស្ដីពីសត្វក្រៀលរបស់ខេត្តតាកែវ ដែលលោកបានដាក់ចំណងជើងថា "ស្វាគមន៍ការត្រឡប់មកវិញរបស់សត្វក្រៀល មកកាន់បឹងព្រែកល្ពៅ ខេត្តតាកែវ"។ តាមរយៈរូបភាពទាំងនោះ គេបានឃើញយ៉ាងត្រជាក់ភ្នែកនូវសកម្មភាពសត្វក្រៀលទាំងហ្វូងរកចំណីនៅលើផ្ទៃទឹកក្នុងតំបន់ព្រែកល្ពៅ។
តាមកំណត់ត្រាសង្ខេបសត្វដោយ Sela Mey បានកត់ត្រាថា៖ -សត្វក្រៀល ឬ Sarus Crane មានឈ្មោះវិទ្យាសាស្ត្រ Grix antigone កម្ពស់១៥២-១៥៦ ស.មហើយ ខ្លួនធំហើយខ្ពស់ សំបុរសប្រផេះ ក្បាលត្រងោលក្រហមដោយមានបន្ទូលក្បាលប្រផេះ និងជើង ក្រហមវែង ចំពុះវែងត្រង់ ស្លាបទី១ពណ៌ខ្មៅ។
-ទីជំរកៈ ក្រៀលតែងមានទីជម្រកនៅទំនាបលិចទឹក តាមតំបន់វាលស្មៅ ក្នុងព្រៃរបោះជាដើម ។
ដឹងពីរឿងរ៉ាវខ្លះ@របស់សត្វ ក្រៀលហើយ តោះ...ឥឡូវទៅទស្សនាសកម្មភាពរបស់ពួកគេដែលផ្ដិតរូបដោយលោក ស៊ួង ម៉ារឌី ទាំងអស់គ្នាវិញម្ដង៖
