- 2022-01-11 02:54:37
- ព័ត៌មាន
ចែករំលែកដោយអ្នកជំងឺផ្ទាល់! នេះគឺជាសភាពពិតនៃអ្នកជំងឺកូវីដ១៩បំប្លែងថ្មី អូមីក្រុង
- 2022-01-11 02:54:37
- ចំនួនមតិ 0 | ចំនួនចែករំលែក 0
ចែករំលែកដោយអ្នកជំងឺផ្ទាល់! នេះគឺជាសភាពពិតនៃអ្នកជំងឺកូវីដ១៩បំប្លែងថ្មី អូមីក្រុង
ចន្លោះមិនឃើញ
កូវីដ១៩ បាន និងកំពុងលងបន្លាចពិភពលោកសារជាថ្មីតាមអំបូរថ្មី អូមីក្រុង ដែលមកទល់ពេលនេះ វាក៏បានឆ្លងចូលសហគមន៍កម្ពុជាជាថ្មី។ អូមីក្រុង អ្វីដែលជាការគំរាមកំហែងរបស់វា គឺវាអាចឆ្លងពីមនុស្សម្នាក់ ទៅមនុស្សម្នាក់បានយ៉ាងលឿនជាងអំបូរណាៗទាំងអស់។ ដោយឡែកការធ្វើទុក្ខត្រូវបានរាយការណ៍ថា មិនគួរឲ្យខ្លាចប្រដូចទៅនឹងប្រភេទដែលតានោះទេ។
តាមលោក ជំទាវ ឱ វណ្ណឌីន ថ្លែងក្នុងសន្និសីទរបស់ក្រសួងសុខាភិបាលកន្លងមក អូមីក្រុង មិនគួរឲ្យខ្លាចដូច ដែលតា នោះទេ ដោយសារតែការលេចអាការរោគមិនមានសភាពធ្ងន់ធ្ងរដូចអំបូរចាស់នោះឡើយ។ ចំពោះលេចអាការនេះ លោកជំទាវ បានលើកឡើងថា មានចំណុចភាគច្រើនដូចគ្នា ខុសតែ អ្នកជំងឺអូមីក្រុង មិនមានសភាពបាត់ក្លិន បាត់រសជាតិនោះទេ។
ការលើកឡើងរបស់លោកជំទាវរដ្ឋមន្ត្រី ស៊ីសង្វាក់គ្នា នឹងស្ថានភាពពិតរបស់អ្នកជំងឺអូមីក្រុងម្នាក់។ សុភី បច្ចុប្បន្នកំពុងរស់នៅសហរដ្ឋអាមេរិក រូបគេត្រូវបានតេស្តរកឃើញវិជ្ជមានកូវីដ១៩ ប្រភេទ អូមីក្រុង កាលពី២ថ្ងៃមុន។
តាមសភាពរបស់គេនៅក្នុងរង្វង់ ២ថ្ងៃនេះ មិនមានបាត់ក្លិន បាត់រសជាតិនោះទេ ប៉ុន្តែអ្វីដែលខុសប្លែក គឺស្កាតអណ្ដាត ឈឺទ្រូង និងឈឺខ្លួន។ យ៉ាងណា យើងមិនទាន់ដឹង នាថ្ងៃបន្ទាប់ទៀត សភាពអ្នកជំងឺអាចវិវត្តបែបណាទៀតនោះទេ។
សហរដ្ឋអាមេរិក ជាប្រទេសលំដាប់លេខ១ដែលមានអ្នកឆ្លងកូវីដ១៩ខ្ពស់បំផុតទូទាំងពិភពលោក ខណៈថ្ងៃនេះ Reuter បានរាយការណ៍ថា ប្រទេសនេះ បានកើនឡើងខ្ពស់បំផុតនូវអ្នកជំងឺកូវីដ១៩ចូលសម្រាកក្នុងមន្ទីរពេទ្យ ដល់ ១៣២,៦៤៦នាក់ គឺខ្ពស់តួលេខចាស់ត្រឹមតែ ១៣២,០៥១នាក់។ បន្ថែមពីលើនេះ ប្រភេទកូវីដ១៩ដែលកំពុងវាយសង្គ្រប់សហរដ្ឋអាមេរិកនោះ គឺ អូមីក្រុងនេះឯង។
ដោយឡែកកម្ពុជា ត្រូវបានរាយការណ៍នាថ្ងៃម្សិលមិញថា មាន ១០ករណីអូមីក្រុងដែលបានឆ្លងចូលសហគមន៍។ ការណ៍នេះ សម្ដេចតេជោ ហ៊ុន សែន បានចេញសារបន្ទាន់ទាំងយប់ ឲ្យថ្នាក់ដឹកនាំខេត្ត ភូមិ ឃុំ ស្រុកទាំងអស់ កៀគរ ពលរដ្ឋក្នុងសហគមន៍ឲ្យទៅចាក់វ៉ាក់សាំងដូសជំរុញ ដើម្បីពង្រឹងភាពសុំាក្នុងសហគមន៍ បូកផ្សំយន្តការមានស្រាប់ គឺ ៣កុំ ៣ការពារ ដើម្បីទប់ទល់នឹងការគំរាមគំហែងរបស់ អូមីក្រុង៕