• 2022-01-21 03:35:09
  • ព័ត៌មាន

ចិន ប្រតិកម្មខ្លាំងក្រោយមេដឹកនាំប្រទេសមួយ សម្តែងការគាំទ្រចំពោះឯករាជ្យភាពរបស់កោះតៃវ៉ាន់

  • 2022-01-21 03:35:09
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាំពាក្យក្រសួងការបរទេសចិន លោក Zhao Lijian បាននិយាយថា ប្រទេសចិនមានការតក់ស្លុត និងប្រឆាំងយ៉ាងខ្លាំងចំពោះសុន្ទរកថាដ៏គ្រោះថ្នាក់របស់មេដឹកនាំស្លូវេនី ដែលបានជំទាស់យ៉ាងដាច់អហង្ការចំពោះគោលការណ៍ចិនតែមួយ និងបានសម្តែងការគាំទ្រចំពោះឯករាជ្យភាពកោះតៃវ៉ាន់។

លោក Zhao Lijian អ្នកនាំពាក្យក្រសួងការបរទេសចិន

លោក Zhao បានសង្កត់ធ្ងន់ថា ប្រទេសចិនមានតែមួយទេនៅក្នុងពិភពលោក។ ហើយកោះតៃវ៉ាន់គឺជាផ្នែកមួយដែលមិនអាចកាត់ផ្តាច់បាននៃទឹកដីរបស់ប្រទេសចិន។ លោក Zhao បន្តថា រដ្ឋាភិបាលសាធារណរដ្ឋប្រជាមានិតចិន គឺជារដ្ឋាភិបាលស្របច្បាប់តែមួយគត់ដែលតំណាងឱ្យប្រទេសចិនទាំងមូល។

លោកបាននិយាយថា "ប្រទេសចិនត្រូវតែត្រូវបានបង្រួបបង្រួមឡើងវិញ។ មិនគួរមានអ្នកមើលស្រាលទៅលើដំណោះស្រាយ ឆន្ទៈ និងសមត្ថភាពដ៏រឹងមាំរបស់ប្រជាជនចិនដើម្បីការពារអធិបតេយ្យភាពជាតិ និងបូរណភាពទឹកដីនោះទេ"៕

តៃវ៉ាន់

ប្រភព៖ AKP កែសម្រួល ៖ សង្ហា

មតិយោបល់