- 2022-05-25 03:13:54
- ព័ត៌មាន
ចាប់ពីខែក្រោយទៅ ថៃឱ្យក្លឹបរាត្រី និងហាងខារ៉ាអូខេបើកឡើងវិញតាមធម្មតា ដោយគ្មានការរឹតបន្តឹង
- 2022-05-25 03:13:54
- ចំនួនមតិ 0 | ចំនួនចែករំលែក 0
ចាប់ពីខែក្រោយទៅ ថៃឱ្យក្លឹបរាត្រី និងហាងខារ៉ាអូខេបើកឡើងវិញតាមធម្មតា ដោយគ្មានការរឹតបន្តឹង
ចន្លោះមិនឃើញ
ប្រទេសថៃនឹងអនុញ្ញាតឱ្យក្លឹបរាត្រី និងហាងខារ៉ាអូខេបន្តបើកឡើងវិញតាមម៉ោងធម្មតាចាប់ពីខែក្រោយនេះទៅ ដោយបញ្ចប់វិធានការរឹតត្បិត ដោយសារការឆ្លងប្រចាំថ្ងៃមានការធ្លាក់ចុះ។
កន្លែងកម្សាន្តនានាដូចជាបារ៍ ហាងស្រា ក្លឹបខារ៉ាអូខេ និងសេវាកម្មផ្សេងៗទៀតអាចបើកដំណើរការរហូតដល់ពាក់កណ្តាលអធ្រាត្របានបន្ទាប់ពីខែមិថុនាទៅ ប៉ុន្តែកន្លែងទាំងនេះគួរតែអនុវត្តវិធីសាស្រ្តបង្ការជាសកល។ យ៉ាងណាបុគ្គលិកទាំងអស់ត្រូវតែបានទទួលការចាក់វ៉ាក់សាំង និងធ្វើតេស្តអង់ទីហ្សែនរៀងរាល់ប្រាំពីរថ្ងៃម្តង។
ក្រៅពីនោះចាប់ពីថ្ងៃទី១ ខែមិថុនា ថៃក៏នឹងដកចេញនូវលក្ខខណ្ឌតម្រូវឱ្យធ្វើចត្តាឡីស័កសម្រាប់អ្នកធ្វើដំណើរដែលមិនបានចាក់វ៉ាក់សាំង។ ពួកគេនឹងត្រូវធ្វើតេស្តនៅពេលទៅដល់ ឬបង្ហាញការធ្វើតេស្តអវិជ្ជមានសម្រាប់ជំងឺកូវីដ-១៩ មុនពេលចេញដំណើរ៕