នៅចិន គេទាញផលពីព្រៃឈើហៅថា "សេដ្ឋកិច្ចព្រៃឈើ" ដែលខ្មែរយើងក៏អាចធ្វើបានដែរ

2022-06-17 03:37:06
ព័ត៌មាន

2022-06-17 03:37:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសយើងអាចមើលឃើញថា រីកចម្រើនខ្លាំងនាពេលបច្ចុប្បន្ននោះ គឺគេអាចទាញប្រយោជន៍បានស្ទើរគ្រប់សកម្មភាព ក្នុងនោះគេបានទាញប្រយោជន៍ពីព្រៃឈើ ដោយមិនឲ្យមានការប៉ះពាល់ដល់ព្រៃឈើហៅថា "សេដ្ឋកិច្ចព្រៃឈើ" ដែលវិធីនេះ តាមពិតខ្មែរយើងក៏អាចធ្វើបានដែរ។

គន្លឹះនៃការទាញប្រយោជន៍ពីក្នុងព្រៃមកបម្រើឲ្យជីវភាពរបស់កសិករចិននេះ ត្រូវបានចែករំលែកដោយក្រុមស្ត្រី ៤រូបស្ថិតក្នុងក្រុមដែលមានឈ្មោះថា "CC Studio”។ នារីដ៏ស្រស់ស្អាតម្នាក់នៃក្រុមនេះបានពិព័រណ៌នាថា បច្ចុប្បន្ននេះ សេដ្ឋកិច្ចព្រៃឈើមានការរីកចម្រើនយ៉ាងខ្លាំងនៅប្រទេសចិនដែលបានជួយបង្កើនប្រាក់ចំណូលរបស់កសិករចិនតាមរយៈអេកូឡូស៊ី។

នាងបានបញ្ជាក់ថា "សេដ្ឋកិច្ចព្រៃឈើគឺឆ្លងតាមរយៈការប្រើប្រាស់ដីក្នុងព្រៃសម្រាប់ការដាំដុះ ការចិញ្ចឹមសត្វនៅក្នុងព្រៃ និងការប្រើប្រាស់ទេសភាពព្រៃឈើដើម្បីអភិវឌ្ឍន៍វិស័យទេសចរណ៍ជាដើម "។

វិធីទាញប្រយោជន៍ដ៏ឆ្លាតវ័យនេះ គឺកសិករបានចិញ្ចឹមបក្សី គោទឹកដោះ ពពែ ទន្សាយជាដើមនៅក្នុងព្រៃ និងដាំដុះផ្សិត រួមទាំងរុក្ខជាតិជាឱសថបុរាណចិន ធញ្ញជាតិ និងបន្លែបង្ការជាច្រើនទៀតនៅក្នុងព្រៃ។ សកម្មភាពនេះ បានបំពេញបន្ថែមឧត្តមភាពធនធានកសិកម្ម និងព្រៃឈើ និងជំរុញដល់ការអភិវឌ្ឍរួមបញ្ចូលគ្នារវាងមុខរបរដាំដុះ និងមុខរបរចិញ្ចឹមសត្វ។

បច្ចុប្បន្ន អាជីវកម្មសេដ្ឋកិច្ចព្រៃឈើ និងការប្រើប្រាស់ទំហំផ្ទៃដីព្រៃឈើរបស់ចិនបានលើសពី ៤០ លានហិកតា ខណៈចំនួនអ្នកប្រកបមុខរបរបានកើនដល់ ៣៤ លាននាក់ឯណោះ។ តាមនារីវ័យក្មេង ស្ថានភាពនេះ ប្រទេសកម្ពុជា ដែលសម្បូរព្រៃធម្មជាតិជាច្រើនស្រាប់នោះ ក៏គួរតែអាចធ្វើវាបានដែរ។ ដូច្នេះហើយ ទើបនាងចែករំលែកអំពីបទពិសោធន៍នេះ

"ខ្ញុំដឹងថានៅស្រុកខ្មែរក៏សម្បូរព្រៃឈើណាស់ ហេតុនេះសូមចែករំលែកបទពិសោធដ៏ល្អក្នុងការអភិវឌ្ឍជនបទជាមួយបងប្អូនខ្មែរ ។ បើសិនអ្នកចង់ដឹងពីអ្វីកាន់តែច្រើនជាងនេះ សូមខមិនប្រាប់ខ្ញុំណា៎"។ ក្រោយការចែករំលែករបស់នារីដ៏ស្រស់ស្អាត មានប្រិយមិត្តកម្ពុជាច្រើនបានចាប់អារម្មណ៍៕

CC Studio គឺក្រុមនារី៤រូប ដែលពួកគេសុទ្ធជនជាតិចិន។ ពួកគេរមែងចែករំលែកចំណេះដឹង គន្លឹះ និងរឿងរ៉ាវអំពីប្រពៃណីរបស់ជនជាតិចិនជាច្រើនផ្សារភ្ជាប់ជាមួយនឹងកម្ពុជា។ ចំណុចគួរចាប់អារម្មណ៍ ពួកគេសុទ្ធតែវ័យក្មេង និងស្រស់ស្អាត អ្វីដែលកាន់តែពិសេស គឺពួកគេសុទ្ធតែចេះនិយាយ និងសរសេរភាសាខ្មែរបានយ៉ាងល្អ ដោយត្រូវទាំងឃ្លាឃ្លោង និងវេយ្យាករណ៍ថែមទៀត។

ចំណុចនេះពួកគេបានលាតត្រដាងថា ពួកនាងខិតខំរៀនភាសាខ្មែរទាំងនៅចិន និងក៏ធ្លាប់មកសិក្សានៅសកលវិទ្យាក្នុងប្រទេសកម្ពុជាថែមទៀតផង។ បន្ថែមពីលើនេះ ពួកគេសុទ្ធតែមានឈ្មោះខ្មែររៀងខ្លួនដូចជា ម្លិះ នួន ចម្រើន និងយ៉ាយ៉ា៕