• 2022-06-21 08:54:01
  • ព័ត៌មាន

អាជ្ញាធរ​អប្សរា មានផែនការដក​ហូត ដើម​ត្នោត​២ដើម ឈើ​ទាល​១ដើម និង​ដើម​ឈើ​មួយ​ចំនួន​ទៀត​ពី​តំបន់​អង្គរ

  • 2022-06-21 08:54:01
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អាជ្ញាធរ​អប្សរា មាន​ផែន​ការ​កាត់​ក្រីមែក​ឈើ និង​ដក​ហូត ដើម​ត្នោត​ចំនួន ២​ដើម ឈើ​ទាល​១​ដើម រួម​ជាមួយ​នឹងដើម​ឈើ​មួយ​ចំនួន​ទៀត​ចេញ​ពី​តំបន់​រមណីយដ្ឋាន​​អង្គរ និង​តំបន់​ផ្សេង​ទៀត​ដែល​គ្រប់​គ្រង​ដោយ​អាជ្ញាធរ​អប្សរា។ នេះ​បើ​ការ​ជូន​ដំណឹង​របស់​អាជ្ញាធរ​អប្សរា​នៅ​ថ្ងៃ​ទី២១ មិថុនា​នេះ។

តាម​លិខិត​ជូន​ដំណឹង​ចុះ​លេខ ៤០៤ រប សជណ អាជ្ញាធរ​អប្សរា បាន​ឲ្យ​ដឹង​ថា ធ្វើ​បែប​នេះ ដើម្បី​ធានា​ដល់​សុវត្ថិភាព​ភ្ញៀវ​ទេសចរ សាធារជន ក៏​ដូច​ជា​ដើម្បី​លើក​កម្ពស់​សោភ័ណភាព​នៅ​តាម​ដង​ផ្លូវ និង​តាម​បរិវេណ​ប្រាសាទ​ផង។ ដូច្នេះ​ហើយ នាយកដ្ឋាន​គ្រប់​គ្រង​ព្រៃឈើ ទេសភាព​វប្បធម៌ និង​បរិស្ថាន​នៃ​អាជ្ញាធរជាតិ​អប្សរា នឹង​ធ្វើ​ការ​កាត់​ដក​ហូត​ដើម​ឈើ និង​កាត់​ក្រមែង​ឈើ​នៅ​តាម​ទីតាំង​មួយ​ចំនូន​ដូច​ជា កាត់​ដក​ហូត​ដើម​ឆ្នាំ ២ដើម ដែល​មាន​ហានិភ័យ ស្ថិត​ក្នុង​បរិវេណ​ប្រាសាទ​អង្គរវត្ត។ កាត់​ដក​ហូត​ដើម​ឈើ​ទាល​១ដើម និង​កាត់​ក្រី​មែក​ឈើ​រស់​ចំនួន​២ដើម​(ស្ពង់១ដើម និង​ស្រឡៅ​១ដើម ដែល​មាន​ហានិភ័យ ស្ថិត​ក្នុង​ខ្លោងទ្វារជ័យ។

រូបភាព៖ទំព័រហ្វេសប៊ុក​អាជ្ញាធរអប្សរា

ក្រៅ​ពី​នេះ នៅ​មាន​ដើម​ឈើ​ជា​ច្រើន ដែល​នឹង​ត្រូវ​ដក​ហូត និង​កាត់​ក្រីមែក​ឈើ​ចេញ​ពី​តំបន់​រមណីយដ្ឋាន​អង្គរ​ផង​ដែរ​ក្នុង​ហេតុផល​ដូច​គ្នា​នេះ។ អាជ្ញាធរ​អប្សរា បាន​បញ្ជាក់​ថា ការងារ​នេះ​ក្រុម​ការងារ​ចំណុះ​ឲ្យ​អាជ្ញាធរ​អប្សរា​នឹង​ចាប់​ផ្ដើម​ពី​ថ្ងៃ​ទី ២២ មិថុនា​នេះ​ត​ទៅ​រហូត​ចប់​ភារកិច្ច។ ដូច្នេះ​ស្នើ​មន្ទីរ ស្ថាប័ន សាធារណជន សមត្ថកិច្ច​ពាក់ព័ន្ធ ភ្ញៀវ​ជាតិ អន្តរជាតិ សមាគម​មគ្គុទ្ទេសក៍​ទេសចរណ៍ ជ្រាប​ជា​ព័ត៌មាន៕ សូម​អានល​ម្អិត​សេចក្ដី​ជូន​ដំណឹង​ខាង​ក្រោម៖

អត្ថបទ៖ ទារិកា

មតិយោបល់