ភូមា ដោះលែងអ្នកទោសនយោបាយជាច្រើន ក្នុងអាណត្តិកម្ពុជាធ្វើជាប្រធានអាស៊ាន

2022-11-18 08:10:25
ព័ត៌មាន

2022-11-18 08:10:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ភូមាដែលបច្ចុប្បន្នដឹកនាំដោយរបបយោធា បានធ្វើការដោះលែងអ្នកទោសទ្រង់ទ្រាយធំមួយ ដោយសកម្មភាពទទួលបានការសាទរពីអាស៊ានទាំងមូល។ នេះបើតាមសេចក្ដីថ្លែងការរបស់បេសកជនពិសេសនៃប្រធានអាស៊ានស្ដីពីការដោះលែងនោះ។

អ្នកទោសដែលត្រូវបានរបបយោធាមីយ៉ាន់ម៉ា ដោះលែងឲ្យមានសេរីភាពក្នុងការដោះលែងទ្រង់ទ្រាយធំនោះ មានលោក ច ទិនស្វេ អតីតរដ្ឋមន្ត្រីការិយាល័យទីប្រឹក្សារដ្ឋ អ្នកស្រី ឡី ឡី ម៉ អតីតអភិបាលតំបន់តានីនតាយី លោក ម្ញា អៃ សកម្មជនគាំទ្រលទ្ធិប្រជាធិបតេយ្យជំនាន់ ៨៨៨៨ បណ្ឌិត ម្ញោ ញុនត៍ សមាជិកគណៈកម្មាធិការកណ្ដាល និងជាអ្នកនាំពាក្យនៃបក្សសម្ព័ន្ធជាតិដើម្បីលទ្ធិប្រជាធិបតេយ្យ(NLD)។

សកម្មភាពនេះ បេសកជនពិសេសនៃប្រធានអាស៊ានទទួលបន្ទុកមីយ៉ាន់ម៉ា បានសាទរ។ បេសកជនពិសេស ចាត់ទុកថា ការដោះលែងអ្នកទោសទ្រង់ទ្រាយធំនេះថា ជាកាយវិការដ៏សំខាន់ក្នុងទិសដៅត្រឹមត្រូវ ដើម្បីបង្កើតបរិយាកាសអំណោយផលសម្រាប់ចាប់ផ្ដើមដំណើរការសន្ទនា ក្នុងចំណោមភាគីពាក់ព័ន្ធទាំងអស់នៅមីយ៉ាន់ម៉ា។ នេះ គឺជាសញ្ញាបង្ហាញពីសុឆន្ទៈក្នុងការស្វែងរកដំណោះស្រាយដោយសន្តិវិធីចំពោះវិបត្តិបច្ចុប្បន្ន និងជាការវិវឌ្ឍន៍វិជ្ជមាន ស្របតាមស្មារតី និងបំណងប្រាថ្នានៃ កិច្ចព្រមព្រៀងជាឯកឆន្ទៈ ៥ចំណុច ដែលសម្រេចក្នុងកិច្ចប្រជុំមេដឹកនាំអាស៊ាន នៅថ្ងៃទី ២៤ មេសា ២០២១៕

អត្ថបទ៖ ទារិកា