![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(132)/6690f11f8f7e4_1720774920_medium.jpg)
- 2024-07-12 10:55:01
- ព័ត៌មាន
មានដឹងទេថា អង់គ្លេសមានសមាជិកសភាកើតឆ្នាំ២០០២
- 2024-07-12 10:55:01
- ចំនួនមតិ 0 | ចំនួនចែករំលែក 0
មានដឹងទេថា អង់គ្លេសមានសមាជិកសភាកើតឆ្នាំ២០០២
ចន្លោះមិនឃើញ
អង់គ្លេសបានរៀបចំការបោះឆ្នោតសកលមួយនៅដើមខែកក្កដានេះ ដោយក្នុងនោះគណបក្សពលករបានឈ្នះគណបក្សអភិរក្សនិយម ដែលបានកាន់អំណាចជាង ១៤ឆ្នាំមកហើយ។ ជាមួយគ្នានេះដែរ នៅក្នុងស្រុកនេះ គេឃើញមានមុខតំណាងរាស្ត្រក្មេងៗជាច្រើន។ តំណាងរាស្ត្រ និងសមាជិកសភាជាន់ទាបវ័យក្មេងបំផុតគឺ លោក សេម ខារលីង (Sam Carling) កើតឆ្នាំ២០០២ និងមានវ័យ២២ឆ្នាំ។
យុវជនរូបនេះបានឈរឈ្មោះនៅក្នុងមណ្ឌលខេមប្រ៊ីជពាយព្យ ដែលជាមណ្ឌលមួយនៅក្នុងទីក្រុងភីធើរប៊ឺក (Peterborough) ដែលជាទីក្រុងមួយនៅខាងកើតនៃប្រទេសអង់គ្លេស។ លោកខារលីង ដែលជាតំណាងរាស្ត្រគណបក្សពលករ បានផ្ដួលលោក ស្ហេលី វ៉ារ៉ា (Shailesh Vara) ដែលជាតំណាងរាស្ត្រគណបក្សអភរិក្សនិយមនៅមណ្ឌលនេះតាំងពីឆ្នាំ២០០៥មក ដោយឈ្នះត្រឹមតែ ៣៩សម្លេងប៉ុណ្ណោះ។
លោកខារលីង បានប្រាប់សារព័ត៌មាន BBC ថា លោកមានចំណាប់អារម្មណ៍លើរឿងនយោបាយ ដោយសារតែលោកឃើញមានការថយចុះយ៉ាងខ្លាំងផ្នែកសង្គម-សេដ្ឋកិច្ចអង់គ្លេស ដោយសារតែកម្សោយនៃថ្នាក់ដឹកនាំអង់គ្លេសនាពេលកន្លងមក។
លោកចង់ឃើញរដ្ឋាភិបាលគណបក្សពលកររបស់លោកគិតគូរចាត់ចែងឡើងវិញលើរឿងសេវាកម្មសុខាភិបាល ដែលមិនសូវបំពេញការងារមានប្រសិទ្ធភាពទេនៅតាមតំបន់ជនបទ។ បន្ថែមពីនេះទៀត លោកក៏ចង់ឱ្យរដ្ឋាភិបាលចាប់អារម្មណ៍ក្នុងការជួសជុលផ្លូវថ្នល់នៅតាមតំបន់ជនបទផងដែរ។
លោកខារលីង មានបទពិសោធន៍នយោបាយតែជាង ២ឆ្នាំប៉ុណ្ណោះ ដោយលោកចាប់ផ្ដើមដោយធ្វើជាក្រុមប្រឹក្សាសង្កាត់មួយនៅក្នុងស្រុកខេមប្រ៊ីជកាលពីឆ្នាំ២០២២៕