- 2015-07-09 13:03:37
- ព័ត៌មាន
៥តិចនិករបស់ Sabay ជួយឱ្យដំណើរកម្សាន្ត អស់លុយតិច
- 2015-07-09 13:03:37
- ចំនួនមតិ 0 | ចំនួនចែករំលែក 0
៥តិចនិករបស់ Sabay ជួយឱ្យដំណើរកម្សាន្ត អស់លុយតិច
ចន្លោះមិនឃើញ
ការចំណាយច្រើនលើសលប់ លើដំណើរកម្សាន្តតាមរមណីយដ្ឋាន ជាឧបសគ្គសំខាន់មួយ។ ប្រិយមិត្តអាចឆ្លៀតពេល ១ ឬ ២ នាទី ដើម្បីអានតិចនិកចាយលុយឱ្យអស់តិចដូចខាងក្រោម៖
១. ធ្វើបាយម្ហូបពីផ្ទះ មនុស្សភាគច្រើនជាពិសេសយុវវ័យ តែងមើលរំលងចំណុចនេះ ដោយពួកគេយល់ថា ធ្វើអាហារខ្លួនឯង ហត់នឿយ និងរញ៉េរញ៉ៃច្រើន។ ផ្ទុយទៅវិញនេះមិនមែនជារឿងលំបាកទេ បើអ្នកអាចគិតលើម្ហូបណាងាយៗដូចជា ស្ងោរជ្រក់ ស្ងោរង៉ាំង៉ូវ សម្លឆា ចៀនស៊ុត ប្រហុកចិញ្ច្រាំជាដើម។ ម្យ៉ាងទៀត អាហារទាំងនេះ មិនត្រឹមតែស្អាត មានរសជាតិ ហូបគ្រប់គ្រាន់ និងអស់លុយតិចទេ ថែមទាំងមានសុវត្ថិភាពដល់សុខភាពទៀតផង។
២. ដើទិញម្ហូបខ្លួនឯង តែមិនគួរកុម្ម៉ង់ពីអ្នកលក់ នៅរមណីយដ្ឋានខ្លះ ដូចជានៅកៀនស្វាយជាដើម មានកន្លែងលក់បាយម្ហូបធូរថ្លៃច្រើនជាច្រើន ដែលភ្ញៀវអាចទិញទទួលទានដោយខ្លួនឯងតាមតម្រូវការ។ ភ្ញៀវក៏អាចកុម្ម៉ង់ម្ហូបបានដែរ តែ Sabay ឱ្យយោបល់ថា គួរទិញខ្លួនឯងផ្ទាល់វិញ ព្រោះអ្នកលក់ឬម្ចាស់តូប អាចលក់ថ្លៃ ឬកេងចំណេញក្នុងរូបភាពផ្សេងៗ។
៣. ដើរសួរតម្លៃតូប
នៅគិរីរម្យ ឬកៀនស្វាយទៀតសោត តែងមានមានតូបសម្រាប់អង្គុយកម្សាន្ត ហើយអ្នកក៏មិនកំណាញ់ដែរ ចំពោះតម្លៃលើសគ្នាតែ ១ម៉ឺន ២ម៉ឺនរៀល។ យ៉ាងណាអ្នកគួរតែស៊ើបសួរតម្លៃឱ្យបានច្រើន ដើម្បីបានកន្លែងធូរថ្លៃ និងមានផាសុកភាព។ ម្យ៉ាងមិនបានន័យថា តំបន់រមណីយដ្ឋានទាំងអស់ សុទ្ធតែតម្រូវឱ្យភ្ញៀវជួលតូបអង្គុយទេ ដូច្នេះអ្នកអាចរកកន្លែងសមរម្យណាមួយ ដែលមានខ្យល់អាកាសល្អ ហើយញ៉ាំអាហារជុំគ្នាដោយសប្បាយរីករាយ។
៤. កុំចំណាយលើចំណីចំណុកឥតប្រយោជន៍ អាហារហូបចុកជាច្រើន ត្រូវបានដាក់លក់តាមកន្លែងកម្សាន្តនានា តែអ្នកត្រូវមើលផងដែរថាតើ អាហារនិងរបស់ញ៉ាំណាគួរទិញ និងមិនគួរទិញ។ ធ្វើបែបនេះ ជួយឱ្យអ្នកកាត់បន្ថយ ការចំណាយបានមួយកម្រិត ដែលកុំឱ្យដូចពាក្យគេថា "ចាយអត់ដឹងមុខ អត់ដឹងក្បាលកន្ទុយ"។
៥. ដើរលេងជាក្រុម អ្នកមិនគួរដើរលេងតែ២ឬ៣នាក់ទេ ព្រោះថាត្រូវការចំណាយច្រើនអាចដល់ខ្ទង់ ១០០ដុល្លារ ទៅ ១៥០ដុល្លារ ប៉ុន្តែបើជាក្រុមការងារ មិត្តភ័ក្ដិត្រឹម ១០ ឬ ១៥នាក់ អាចចំណាយខ្ទង់ ២០ ទៅ ៣០ ដុល្លារប៉ុណ្ណោះ ហើយបានបរិយាកាសសប្បាយរីករាយទៀតផង៕
អូយ! ខ្មែរមានកន្លែងគេងអីរ៉ូមែនទិកម៉េះ?
អូរត្រេះ ឆ្នេរសមុទ្រស្ងប់ស្ងាត់បរិយាកាសល្អបរិសុទ្ធ
អត្ថបទ៖ អ៊ុំ សុភក្តិ