ភ្នំប្រុស-ភ្នំស្រី មិនមែន ១ គឺមាន ៣ នៅក្នុងខេត្តកំពង់ចាម

2016-08-12 16:57:02
ព័ត៌មាន

2016-08-12 16:57:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្ញុំជឿងជាក់ថា ប្រិយមិត្តប្រាកដជាស្គាល់ច្បាស់អំពីភ្នំប្រុស-ភ្នំស្រីនៅខេត្តកំពង់ចាម ស្ថិតក្នុងភូមិ អណ្តូងច្រុះ ឃុំអំពិល ស្រុកកំពង់សៀម តែដោយឡែកថ្ងៃនេះ Sabay សូមនាំមិត្តអ្នកអានឱ្យស្គាល់ ឲ្យដឹងពីប្រវត្តិរបស់ភ្នំប្រុស- ភ្នំស្រី ពីរកន្លែងផ្សេងៗទៀត ។

តើប្រិយមិត្តធ្លាប់បានស្គាល់ និងឃើញ ភ្នំប្រុស ភ្នំស្រី ពីរកន្លែងផ្សេងៗទៀតដែរឬទេ?

កំពុងអង្គយសម្រាក់លើគល់ឈើ ពីរបីនាក់ ក្រោមម្លប់ឈើ បន្ទាប់ពីពិសារអាហារថ្ងៃត្រង់ រួច លោកគ្រូអាចារ្យ តែសុំមិនបញ្ចេញឈ្មោះ បានប្រាប់ភ្នាក់ងារ Sabay ថា តាមពិតភ្នំប្រុសភ្នំស្រីមិនមានតែមួយកន្លែងទេ គឺមានបីកន្លែង ហើយពីរកន្លែងទៀតគឺស្ថិតនៅក្នុងភូមិអណ្តូងស្នាយ ឃុំជើងព្រៃ ស្រុកព្រៃឈរ និងមួយទៀតស្ថិតនៅក្នុងឃុំបុស្តខ្នោរ ស្រុកចំការលើ ។

លោកតាដដែលបានបន្តថា បានជាភ្នំនេះគេហៅភ្នំប្រុស-ភ្នំស្រី ព្រោះភ្នំនេះកើតឡើងពីការលើករបស់មនុស្ស ដូចជាភ្នំប្រុស-ភ្នំស្រីនៅក្នុងស្រុកព្រៃឈរនេះ គេតែងតែហៅថា ភ្នំរាមាជើងព្រៃ។ តែខ្ញុំបានដឹង និងឮតាំងពីខ្ញុំបានកើតមកម្ល៉េះ ហើយបច្ចុប្បន្នខ្ញុំមានអាយុ៧០ឆ្នាំហើយ ។

ខ្ញុំបានលឺ និងឃើញរណ្ដៅពីរធំនៅក្បែរជើងភ្នំ ដែលចាស់ពីដើមបានប្រាប់ថា ជារណ្តៅដែលគេជីកធ្វើភ្នំនេះ ដោយម្ខាងប្រុសអ្នកលើក និងម្ខាងទៀតមនុស្សស្រីអ្នកលើក ។ ចំណែកភ្នំប្រុស-ភ្នំស្រីនៅស្រុកចំការលើវិញ បច្ចុប្បន្នគេហៅថា ភ្នំទែត ។ លោកតាវ័យ ៧០ឆ្នាំ ថ្លែង៕