- 2016-11-13 04:01:09
- ព័ត៌មាន
អូប័រ និងនាវាជិត ១០០គ្រឿង ត្រៀមសម្រាប់បុណ្យអុំទូកឆ្នាំនេះ
- 2016-11-13 04:01:09
- ចំនួនមតិ 0 | ចំនួនចែករំលែក 0
អូប័រ និងនាវាជិត ១០០គ្រឿង ត្រៀមសម្រាប់បុណ្យអុំទូកឆ្នាំនេះ
ចន្លោះមិនឃើញ
ដើម្បីរៀបចំសណ្ដាប់ធ្នាប់តាមដងទន្លេសាប និងត្រៀមជួយសង្គ្រោះទូកលិច ក្រុមការងារការពារសន្តិសុខក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក បានត្រៀមនាវា និងអូប័រជិត ១០០គ្រឿង ព្រមទាំងកម្លាំង ៤៧៥នាក់។
លោកឧត្ដមសេនីយ៍ឯក ជុំ សាវុឌ្ឍ អនុប្រធានសេនាធិការ និងជាអនុប្រធានបញ្ជាការដឹកនាំការពារតំបន់ A9 បានបញ្ជាក់ថា បញ្ជាការដឹកនាំការពារតំបន់ A9 បានត្រៀមនាវា ១១គ្រឿង អូប័រ ៦៩គ្រឿង ទូកយន្ត ១គ្រឿង ក្បាលសណ្ដោងនាវា ១គ្រឿង និងកងកម្លាំងចំនួន ៤៧៥ ក្នុងនោះ អគ្គស្នងការដ្ឋាននគរបាលជាតិ ចំនួន ៧៥នាក់ អូប័រ ២២គ្រឿង ទូកយន្ត ១គ្រឿង និងក្បាលសណ្ដោងនាវា ១គ្រឿង។
លោកបានឲ្យដឹងថា បញ្ជាការដឹកនាំការពារតំបន់A9ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មានភារកិច្ចល្បាតត្រួតពិនិត្យ និងរៀបចំសណ្ដាប់ធ្នាប់តាមដងទន្លេសាប ចាប់ពីស្ពានមិត្តភាពកម្ពុជា-ជប៉ុន ដល់កោះពេជ្រ ដើម្បីសង្គ្រោះទូកលិច ការពារទីតាំងចំណតទូក និងត្រួតពិនិត្យប្រទីប។
ដោយឡែក ខាងកម្លាំងការពារជើងគោកវិញ ឯកឧត្ដម ឧត្ដមសេនីយ៍ឯក ទូច ណារ៉ុថ អគ្គស្នងការរងនគរបាលជាតិ បានបញ្ជាក់ថា ត្រៀមកម្លាំងប្រមាណជាង ១ម៉ឺននាក់ទាំងកម្លាំងចំហ និងកម្លាំងបង្កប់ធ្វើការចុះល្បាតនៅក្នុងទីតាំងប្រារព្ធពិធីទាំងមូល ដើម្បីធានា ដល់សន្តិសុខសណ្ដាប់ធ្នាប់ល្អចំពោះអ្នកចូលរួមដើរកម្សាន្ត។ ក្នុងចំណោមនោះ គោលដៅចាប់ពីស្ពានជ្រោយចង្វា មកដល់មជ្ឈមណ្ឌលកោះពេជ្រ ត្រូវបានធ្វើការរឹតបន្តឹងយ៉ាងខ្លាំងក្លា៕
