- 2017-01-03 02:44:56
- ព័ត៌មាន
៩ចំណុចត្រូវត្រៀម បើចង់ទៅបោះជុំរុំនៅមណ្ឌលគីរី
- 2017-01-03 02:44:56
- ចំនួនមតិ 0 | ចំនួនចែករំលែក 0
៩ចំណុចត្រូវត្រៀម បើចង់ទៅបោះជុំរុំនៅមណ្ឌលគីរី
ចន្លោះមិនឃើញ
ខេត្តមណ្ឌលគីរី ជាគោលដៅទេសចរណ៍មួយយ៉ាងមានប្រជាប្រិយភាព សម្រាប់យុវវ័យដែលចង់ដើរកម្សាន្តតាមបែបធម្មជាតិ ជាពិសេសអ្នកដែលមានបំណងបោះជុំរុំលក្ខណៈជាក្រុម។ លោក សេង ពិសិដ្ឋ ជានាយកប្រតិបត្តិរបស់ក្រុមហ៊ុន Anussa Event Planner បានប្រាប់ពីចំណុចសំខាន់ៗមួយចំនួនដែលអ្នកត្រូវគិតគូរមុនពេលធ្វើដំណើរបោះជុំរុំជាក្រុមដូចជា៖
១. សំលៀកបំពាក់
ខេត្តមណ្ឌលគីរីមានអាកាសធាតុត្រជាក់ខ្លាំងនៅដើមឆ្នាំនេះ ជាការល្អចំពោះអ្នកដែលចង់ទៅបោះតង់នៅទីនោះ គួរតែជ្រើសរើសសំលៀកបំពាក់ដែលក្រាស់ ដូចជាខោខូវប៊យ អាវរងា ស្រោមដៃ មួកអំបោះ ជាដើម ដើម្បីការពារអាកាសធាតុត្រជាក់នៅពេលយប់។
២. សុខភាព
ការពិនិត្យសុខភាពជាមុនគឺជារឿងដែលល្អ សម្រាប់អ្នកដែលធ្វើដំណើរផ្លូវឆ្ងាយ។ តើអ្នកមានជំងឺផ្ដាសាយធំ ឬទេ? តើអ្នកមានជំងឺខ្សោយបេះដូងកម្រិតខ្ពស់ ឬទេ? ប្រសិនបើអ្នកជួបបញ្ហានេះ អ្នកត្រូវប្រឹក្សាជាមួយគ្រូពេទ្យជាមុនសិន។
៣. សម្ភារៈបោះតង់
យល់ល្អគួរតែជ្រើសរើសសម្ភារៈបោះតង់ណាដែលមានគុណភាព ដូចជាតង់ដែលក្រាស់ៗ ព្រោះដើម្បីទប់សំណើមនៅពេលយប់។ លើសពីនេះទៅទៀត គួរតែត្រៀមភួយក្រាស់ៗ និងខ្នើយដែលមានភាពទន់ល្មើយផងដែរ។
៤. ពិល និងភ្លើងបំភ្លឺ
ពេលយប់គឺជារឿងសំខាន់សម្រាប់អ្នកបោះតង់កម្សាន្ត ដូចនេះត្រូវប្រាកដថា អ្នកបានត្រៀមប្រភពដើម្បីបំភ្លឺរួចរាល់ហើយ។ ប្រភពពន្លឺសំខាន់គឺចង្កៀងអគ្គិសនី ពិល ភ្នក់ភ្លើងជាដើម។
៥. អាហារ និង ទឹកស្អាត
ជាទូទៅអាហារសម្រាប់អ្នកបោះតង់និយមញ៉ាំភាគច្រើន គឺការអាំងសាច់ BBQ ប៉ុន្តែលោកអ្នកក៏គួរត្រៀមអាហារក្រៀមៗមួយចំនួនតាមខ្លួនផងដែរ ដូចជាសាច់គោងៀត មី ត្រីខកំប៉ុងជាដើម។ លើសពីនេះទៅទៀតគឺត្រូវបម្រុងទឹកស្អាតទុក សម្រាប់ពិសា និងប្រើប្រាស់ផងដែរ។
៦. សុវត្ថិភាព និងមធ្យោបាយធ្វើដំណើរ
អ្នកត្រូវពិនិត្យអោយបានច្បាស់អំពីទីតាំងដែលអ្នកចង់បោះជុំរុំនោះ ថាតើវាមានសុវត្ថិភាពឬទេ? ចំណែកឯការធ្វើដំណើរវិញ តើយើងនឹងទៅដល់ទីកន្លែងនោះដោយប្រើមធ្យោបាយបែបណាខ្លះ?
៧. ថ្នាំពេទ្យ
នៅពេលដែលបោះជុំរុំនៅតាមព្រៃភ្នំ គឺសំខាន់ណាស់ដែលអ្នកត្រូវត្រៀមថ្នាំពេទ្យមួយចំនួនយកទៅជាមួយ ដែលមានដូចជាថ្នាំលាបការពារមូស សត្វល្អិត ថ្នាំឈឺក្បាល ថ្នាំរាគរូស ថ្នាំបំបាត់ការឈឺចាប់ជាដើម។
៨ បន្ទប់ទឹក
ត្រូវមានបន្ទប់ទឹកដែលមានអនាម័យល្អ និងនៅជិតកន្លែងដែលត្រូវបោះតង់ផងដែរ ព្រោះដើម្បីបរិស្ថានស្អាត និងមានភាពងាយស្រួលដល់អ្នកដែលទៅចូលរួមបោះតង់។
៩ ប្រាក់កាស
ការបោះជុំរុំរយៈពេល៣ថ្ងៃ ២យប់ជាក្រុម អ្នកអាចនឹងចំណាយសរុបចន្លោះ ៧០ ទៅ៨០ដុល្លារអាមេរិកយ៉ាងតិច។ យល់ល្អអ្នកគួរត្រៀមលុយប្រហែល៣០ដុល្លារក្នុងខ្លួនផងដែរសម្រាប់ប្រើការពេលចាំបាច់បន្ទាន់។ ហើយចំណុចមួយដែលត្រូវចងចាំ គឺកុំយករបស់ដែលមានតម្លៃខ្ពស់ទៅតាមខ្លួនក្នុងពេលបោះជុំរុំអោយសោះ។
