- 2017-11-29 02:39:29
- ព័ត៌មាន
របររត់រទេះសេះនៅមានមួយៗ អាចនឹងបាត់បង់ ដោយសារគ្មានអ្នកបន្តវេន
- 2017-11-29 02:39:29
- ចំនួនមតិ 0 | ចំនួនចែករំលែក 0
របររត់រទេះសេះនៅមានមួយៗ អាចនឹងបាត់បង់ ដោយសារគ្មានអ្នកបន្តវេន
ចន្លោះមិនឃើញ
នាពេលបច្ចុប្បន្ននេះរបររត់រទេះសេះហាក់មិនសូវពេញនិយមដូចកាលទសវត្សរ៍ឆ្នាំ១៩៩០នោះទេ តែយ៉ាងណារបរនេះនៅតែមាននៅឡើយនៅតាមបណ្តាស្រុក ឬខេត្តមួយចំនួន។
បើនិយាយពីរបររត់រទេះសេះនេះ ដោយសារតែមធ្យោបាយដឹងជញ្ជូនមានច្រើនប្រភេទធ្វើឲ្យរបរនេះមិនសូចរកចំណូលបាន និងមិនមានអ្នកចាប់អារម្មណ៍បន្តការងារនេះនោះទេ។ ពោលគឺមានតែអ្នកវ័យចំណាស់ដែលធ្លាប់ប្រកបរបរនេះប៉ុណ្ណោះដែលនៅតស៊ូជាមួយរបរនេះ។
លោក នន់ គង់ វ័យ៦៨ឆ្នាំ រស់នៅឃុំគ្រាំងស្បូវ ស្រុកឈូក ខេត្តកំពត ឲ្យដឹងថាលោកបានប្រកបរបររត់រទេះសេះនេះតាំងពីឆ្នាំ១៩៩៣ ដែលពេលនោះលោកថាប្រជាពលរដ្ឋនិយមជិះរទេះសេះនេះណាស់។ និយមជិះ លោកថាដោយសារតែពេលនោះប្រជាពលរដ្ឋមិនសូវមានម៉ូតូឬកង់ច្រើនដូចពេលនេះនោះទេ។
លោកឲ្យដឹងទៀតថាបច្ចុប្បន្នមិត្តរួបអាជីពរបស់លោកជាច្រើនបានបោះបង់របរនេះ ដោយងាកទៅធ្វើការផ្សេងវិញ ដោយជឿងថារកបានកម្រៃច្រើនជាង។
លោកបន្តថាៈ « សម័យឥឡូវគេមិនចង់របរនេះទេ គេថាអ្នកដែលប្រកបរបរនេះជាមនុស្សយ៉ាប់ គេធ្វើសំណង់ គេរកការងារម៉ាង៧-៨ម៉ោង អីវិញ»។ លោកឲ្យដឹងទៀតថាក្នុងភូមិរបស់លោកដែលធ្លាប់តែមានអ្នរករបរនេះច្រើននោះ បច្ចុប្បន្ននៅមានតែបីគ្រួសារសារប៉ុណ្ណោះ ហើយបើនិយាយទាំងស្រុកឈូកវិញលោកថាក៏មានមិនលើសពី១០គ្រួសារដែរ។
បើនិយាយពីចំណូលវិញលោកថាក្នុងមួយថ្ងៃលោករកបានតែមួយម៉ឺនរៀល ឬលើសនេះតិចតួចប៉ុណ្ណោះ តែថាបើនៅពេលណាមានគេពឹងពាក់ឲ្យដឹងឥវ៉ានច្រើនលោកអាចរកបានរហូតដល់បីម៉ឺនរៀល។ ក្រៅពីនេះលោកថាយូរៗម្តងមានជនបរទេសម៉ៅរទេះសេះលោកជិះដើរកម្សាន្តនៅតាមតំបន់ទំនប់ទឹកមួយចំនួនក្នុងស្រុកឈូកនេះ ដោយមួយថ្ងៃលោកអាចទទួលបានកម្រៃប្រាំម៉ឺនរៀល។
ចំពោះ លោក នន់ គង់ លោកនឹងប្រកបរបរនេះរហូតទាល់តែ លោកធ្វើការលែងកើត ដោយលោកលើកហេតុផលថារបររត់រទេះសេះចំណាយថ្លៃចំណាយតិច មិនដូចរត់ម៉ូតូដែលត្រូវចំណាយថ្លៃសាំងច្រើននោះទេ និងម្យ៉ាងលោកថាលោកមានអនុស្សាវរីយ៍ច្រើនជាមួយរបរនេះ។
លោក បញ្ជាក់ថាៈ « សេះស្រួលណាស់ មិនអស់សាំងដូចម៉ូតូ ឯចំណីវាស្អីក៏វាស៊ីដែរ គោស៊ីស្មៅកើត សេះក៏ស៊ីកើត ជ្រូកស៊ីទឹកបាយទឹកកន្ទក់កើត សេះក៏វាស៊ីកើត សំខាន់ឧស្សាហ៍លាងទឹកវាបន្តិច ដូចក្របីអ៊ីចឹង»។
បើតាមលោក នន់ គង់ របរនេះនឹងអាចបាត់បង់នៅថ្ងៃខាងមុខដោយថាក្មេងជំនាន់ក្រោយមិនចូលចិត្តរបរនេះ សូម្បីតែ ចៅរបស់លោកក៏ដោយ និងម្យ៉ាងលោកថារបរនេះរកចំណូលបានតិចផងដែរ៕
