• 2018-05-04 07:48:41
  • សុខភាព

WHO៖ «មនុស្ស ៩ ក្នុងចំណោម ១០ នាក់ ដកដង្ហើមជាមួយខ្យល់ពុល»

  • 2018-05-04 07:48:41
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អង្គការ​សុខភាព​ពិភពលោក ហៅ​កាត់​ថា WHO បាន​បង្ហាញ​កាល​ពី​ថ្ងៃ​ពុធ​ឲ្យ​ដឹង​ថា មនុស្ស​ជាង ៩០ ភាគរយ​នៃ​ប្រជាជន​លើ​ពិភពលោក កំពុង​ដក​ដង្ហើម​ជាមួយ​ខ្យល់​ពុល​កម្រិត​ខ្ពស់ និង​បាន​ស្តី​បន្ទោស​គុណភាព​ខ្យល់​មិន​ល្អ សម្រាប់​ការ​ស្លាប់​របស់​មនុស្ស​ប្រមាណ ៧ លាន​នាក់​ជា​រៀងរាល់​ឆ្នាំ។

ទិន្នន័យ​ថ្មី​ពី​ស្ថាប័ន​សុខាភិបាល​របស់​អង្គការ​សហប្រជាជាតិ បាន​បង្ហាញ​ថា គ្រប់​ជ្រុង​នៃ​ពិភពលោក​កំពុង​ដោះស្រាយ​ការ​បំពុល​បរិយាកាស ខណៈ​បញ្ហា​នេះ​កាន់​តែ​អាក្រក់​ទៅៗ នៅ​តាម​បណ្តា​ប្រទេស​ក្រីក្រ។ ការ​ស្លាប់​របស់​មនុស្ស​ចំនួន ៩០ ភាគរយ ទាក់ទង​ទៅ​នឹង​ការ​បំពុល​ខ្យល់ ដែល​បាន​កើត​ឡើង​នៅ​បណ្តា​ប្រទេស​មាន​ប្រាក់​ចំណូល​ទាប ឬ មធ្យម ជា​ពិសេស គឺ តំបន់​អាស៊ី និង អាហ្វ្រិក។

បើ​យោង​តាម​គេហទំព័រ WHO ផ្ទាល់ បាន​បង្ហាញ​ឲ្យ​ឃើញ​ថា៖

  • មនុស្ស​ចំនួន ៤,២ លាន​នាក់ បាន​ស្លាប់​ជា​រៀង​រាល់​ឆ្នាំ ដោយ​សារ​តែ ការ​បំពុល​បរិយាកាស

  • មនុស្ស​ចំនួន ៣,៨ លាន​នាក់ បាន​ស្លាប់​ជា​រៀង​រាល់​ឆ្នាំ ដោយ​សារ​តែ ការ​ប៉ះពាល់​នៃ​ផ្សែង​ចេញ​ពី​ចង្ក្រាន​បាយ និង ប្រេង​ឥន្ធនៈ

  • មនុស្ស​ចំនួន ៩១ ភាគរយ​នៃ​ចំនួន​ប្រជាជន​សរុប​លើ​ពិភពលោក កំពុង​រស់​នៅ​កន្លែង​ដែល​មាន​ខ្យល់​ពុល​លើស​កម្រិត

ប្រភព៖ nationmultimedia ប្រែ​សម្រួល៖ សេង ឡុង

មតិយោបល់