- 2018-06-19 08:02:03
- សុខភាព
រដូវភ្លៀងធ្លាក់! ចំណុចគួរដឹងពេលកើតជំងឺផ្តាសាយធំ (មានវីដេអូ)
- 2018-06-19 08:02:03
- ចំនួនមតិ 0 | ចំនួនចែករំលែក 0
រដូវភ្លៀងធ្លាក់! ចំណុចគួរដឹងពេលកើតជំងឺផ្តាសាយធំ (មានវីដេអូ)
ចន្លោះមិនឃើញ
នាយកដ្ឋានប្រយុទ្ធនឹងជំងឺឆ្លងរបស់ក្រសួងសុខាភិបាលនៅរសៀលនេះតាមរយៈទំព័រហ្វេសប៊ុករបស់ខ្លួនបានជូនដំណឹងដល់ប្រជាពលរដ្ឋអំពីករណីអាចកើតមានជំងឺផ្តាសាយធំ ដោយថាពេលនេះជារដូវភ្លៀងធ្លាក់។
នាយកដ្ឋានជំនាញខាងលើសរសេរថានៅរដូវភ្លៀងជារដូវមានឆ្លងជំងឺផ្តាសាយធំនៅកម្ពុជា ប៉ុន្តែថារហូតមកដល់ពេលនេះមន្ត្រីជំនាញមិនទាន់រកឃើញថាមានជំងឺនេះនៅកម្ពុជានៅឡើយ។ ជំងឺផ្តាសាយធំនេះអ្នកជំនាញរកឃើញថាកើតឡើងដោយមេរោគផ្តាសាយ (Seasonal Influenza) H1N1 H3N2 H2N2 Influenza B & C ហើយអង្គភាពជំនាញនេះបានដាស់តឿនប្រជាពលរដ្ឋឲ្យមានការប្រុងប្រយ័ត្នខ្ពស់។
រោគសញ្ញានៃជំងឺផ្តាសាយធំមានគ្រុនក្តៅលើសពី៣៨,៥អង្សាសេ និងមានក្អក ឬឈឺ ក និងមានករណីខ្លះអាចឈានដល់ហត់ក៏មាន។ សម្រាប់ការព្យាបាលវិញប្រភពខាងលើបន្តថាអាចប្រើថ្នាំបញ្ចុះកម្តៅ ទទួលទានទឹកឲ្យបានច្រើន គេងឲ្យបានលក់ស្កប់ស្កល់ បន្ថយការហាត់ប្រាណ ហូបអាហារមានជីវិជាតិ ពិសេសមានវិតាមីនសេ។ ការប្រើប្រាស់ថ្នាំផ្សះគ្មានប្រសិទ្ធិភាពសម្លាប់មេរោគនេះទេ និងថែមទាំងធ្វើឲ្យសុខភាពទ្រុឌទ្រោម និងមិនងាយជាពីជំងឺផ្តាសាយធំផងដែរ។ ប្រភពខាងលើបញ្ជាក់។
ក្នុងករណីព្យាបាលបីថ្ងៃហើយមិនបានធូរស្រាលឬវិវត្តទៅជាហត់ខ្លាំង អង្គភាពជំនាញដដែលណែនាំឲ្យអ្នកជំងឺទៅជួបគ្រូពេទ្យដើម្បីពិនិត្យ និងព្យាបាលសម្លាប់មេរោគផ្តាសាយធំនេះ។ ក្នុងករណីនៅតាមភូមិ សាលារៀន ឬកន្លែងធ្វើការមានជំងឺគ្រុនក្តៅច្រើនអាចរាយការណ៍ទៅកាន់លេខ ១១៥ ដោយមិនគិតថ្លៃ៕
ទស្សនាវីដេអូ៖
