ធ្លាប់មើលនៅ? វីដេអូកម្រ ពូទីន និង ស៊ី ជីនពីង ចម្អិននំ Pancake ដោយផ្ទាល់ដៃជាមួយគ្នា

2018-09-15 02:47:15
ព័ត៌មាន

2018-09-15 02:47:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន និងប្រធានាធិបតីចិន លោក ស៊ី ជីនភីង ទើបតែបានបង្ហាញដល់ពិភពលោកថា ពួកគេគឺជាសម្ព័ន្ធមិត្តដ៏ល្អបំផុត ដោយធ្វើការចម្អិននំ Pancake ជាមួយគ្នា អំឡុងពេលសម្រាកពីកិច្ចប្រជុំរបស់ពួកគេ នៅក្នុងវេទិកាសេដ្ឋកិច្ច កាលពីដើមសប្តាហ៍នេះ។

លោក ស៊ី និង លោក ពូទីន បានបង្ហាញពីជំនាញចម្អិនអាហារ នៅមុខមនុស្ស និងកាមេរ៉ាជាច្រើន កាលពីថ្ងៃអង្គារ ទី១១ ខែកញ្ញា ឆ្នាំ២០១៨ កន្លងទៅនេះ នៅឯ Far East Street ក្នុងអំឡុងវេទិកាសេដ្ឋកិច្ច Eastern Economic Forum នៅទីក្រុង Vladivostok ប្រទេសរុស្ស៊ី ដោយបង្កើតជានំ Pancake បែបប្រពៃណីរុស្ស៊ីម្យ៉ាង ហៅថា Blini ។

ក្រោយពេលចម្អិនរួចរាល់ កំពូលមេដឹកនាំទាំងពីរ បានទទួលទានជាមួយនឹងស្រាសដ៏ល្បីឈ្មោះរបស់រុស្ស៊ី គឺ Vodka ផងដែរ។

ទោះបីជាយ៉ាងណាក៏ដោយ នេះមិនមែនជាលើកទីមួយឡើយ ដែលកំពូលមេដឹកនាំទាំងពីរខាងលើ បង្ហាញពីថ្វីដៃចម្អិនម្ហូបរបស់ខ្លួន។ កាលពីខែមិថុនា លោក ពូទីន និង លោក ស៊ី បានរៀនធ្វើគាវ (Baozi) ក្នុងអំឡុងពេលទស្សនកិច្ចប្រទេសចិនទៀតផង៕

សូមទស្សនាវីដេអូមេដឹកនាំទាំងពីរចម្អិននំ Pancake ខាងក្រោម៖