- 2018-12-22 10:27:14
- ព័ត៌មាន
ចាប់ខ្លូនជនសង្ស័យ២នាក់ បង្ហោះដ្រូនឆាឆៅជើងយន្តហោះជិត១០០០ ត្រូវលុបចោល
- 2018-12-22 10:27:14
- ចំនួនមតិ 0 | ចំនួនចែករំលែក 0
ចាប់ខ្លូនជនសង្ស័យ២នាក់ បង្ហោះដ្រូនឆាឆៅជើងយន្តហោះជិត១០០០ ត្រូវលុបចោល
ចន្លោះមិនឃើញ
មនុស្ស២នាក់ ត្រូវបានចាប់ខ្លួនពាក់ព័ន្ធនឹងសកម្មភាពបង្ហោះដ្រូនដោយចេតនាគម្រាមកំហែងសន្តិសុខនៅអាកាសយានដ្ឋានហ្គាតវីក (Gatwick) ទីក្រុងឡុង។ នេះបើតាម Dailymail ចុះផ្សាយថ្ងៃនេះ។
ជនសង្ស័យទាំង២នាក់នេះបានព្យាយាមបង្ហោះដ្រូនយ៉ាងហោចណាស់៥០លើកគិតចាប់តាំងពីថ្ងៃពុធមក ហើយការបង្ហោះធ្វើឡើងសឹងតែរៀងរាល់ម៉ោងពិសេសនៅពេលល្ងាចនិងទាបភ្លឺនៅពេលដែលជើងយន្តហោះមមាញឹកខ្លាំង។ ប្រភពខាងលើបន្ត។
ជើងយន្តហោះជិត ១ ០០០ ត្រូវបានលុបចោលនិងបង្វែរទិស ដោយសារតែមិនអាចចុះចត និង ហោះហើរ នៅប្រលានយន្តហោះដែលមានដ្រូនហោះឆ្វែលឆ្វាត់ចាំរំខាន ដែលធ្វើឲ្យប៉ះពាល់ដល់អ្នកដំណើរជាង ១៤០ ០០០ នាក់។ នេះបើតាមអ្នកនាំពាក្យមន្ត្រីរបស់ប្រលានយន្តហោះ។
ជនសង្ស័យ២នាក់ បុរសម្នាក់និងស្រ្តីម្នាក់មិនទាន់ត្រូវបានបង្ហើបពីអត្តសញ្ញាណនៅឡើយ។ ប៉ុន្តែប៉ូលីសបានតាមប្រមាញ់រយៈពេល៣ថ្ងៃមកហើយ មុនឈានដល់ការចាប់ខ្លួនអ្នកទាំង២នេះបន្ទាប់ពីម៉ោង១០យប់មិញ (ម៉ោងនៅអង់គ្លេស) នៅពេលដែលពួកគេប្រុងធ្វើសកម្មភាពសាជាថ្មី។
ក្រោយការបង្ក្រាបបទល្មើស Gatwick ដែលជាប្រលានយន្តហោះធំលំដាប់ទី២នៅអង់គ្លេសបានបើកដំណើរការឡើងវិញ រីឯ អ្នកដំណើរដែលជាប់ក្នុងប្រលានអស់រយៈពេល៣ថ្ងៃមកហើយក៏អាចធ្វើដំណើរកំសាន្តនៅថ្ងៃបុណ្យណូអែល និង ឆ្លងឆ្នាំបានឡើងវិញដែរ៕
រ៉ាដាបង្ហាញថាយន្តហោះបានបោះបង់ប្រលាន Gatwick ដោយសារការរំខានដោយដ្រូន
