- 2019-01-29 04:00:00
- ព័ត៌មាន
ហ៊ានថា ហ៊ានធ្វើ! ទីបំផុត រដ្ឋមន្រ្តីស៊ុន ចាន់ថុល ដកមន្រ្តីថ្លឹងឡាន៣នាក់ ទុកជាការព្រមាន
- 2019-01-29 04:00:00
- ចំនួនមតិ 0 | ចំនួនចែករំលែក 0
ហ៊ានថា ហ៊ានធ្វើ! ទីបំផុត រដ្ឋមន្រ្តីស៊ុន ចាន់ថុល ដកមន្រ្តីថ្លឹងឡាន៣នាក់ ទុកជាការព្រមាន
ចន្លោះមិនឃើញ
ដូចអនុសាសន៍កន្លងមកធ្លាប់បានបញ្ជាក់ នៅទីបំផុត ឯកឧត្ដមរដ្ឋមន្ត្រី ស៊ុន ចាន់ថុល បានដកមន្ត្រីថ្លឹងជញ្ជីង ៣រូបចេញ ទុកជាការព្រមាន ក្រោយរកឃើញកំហុសមួយនេះ។
ការដកនេះ គឺធ្វើឡើងជាលើកទី១ ក្រោយរកឃើញថាមន្ត្រីទាំង៣រូបនោះ បានប្រព្រឹត្តិអំពើពុករលួយ។ នៅក្នុងបញ្ចប់ចុះហត្ថលេខាលើកិច្ចព្រមព្រៀងគម្រោង ធ្វើឲ្យប្រសើរឡើងវិញកំណាត់ផ្លូវជាតិលេខ៥ កាលពីម្សិលមិញនេះ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ថា ឯកឧត្ដមបានចុះហត្ថលេខាដកមន្ត្រីជញ្ជីងចំនួន៣នាក់ (កន្លែងថ្លឹងរថយន្ដ) ក្នុងនោះ ក៏មានមន្ត្រីជញ្ជីង នៅខេត្តស្ទឹងត្រែងផងដែរ។
លោកបញ្ជាក់ថា “រឿងជញ្ជីងនេះ គឺថារឿងឈឺក្បាល ធ្វើឲ្យមុខមាត់ប្រទេសជាតិ រាជរដ្ឋាភិបាលក៏មិនល្អដែរ។ ដោយសារតែកន្លែងជញ្ជីងយើងមានបញ្ហា ខ្ញុំទើបចុះហត្ថលេខា ដូរប្រធានជញ្ជីង៣កន្លែងចេញសិន”។
រដ្ឋមន្ត្រីបន្តថា នេះគឺជាដំណាក់កាលទី១ ដូរមន្ត្រីជញ្ជីងពុករលួយ៣នាក់ ដើម្បីទុកជាការព្រមាន ចំពោះមន្ត្រីពុករលួយផ្សេងទៀត ដែលមិនទាន់ចាត់ការ ។ លោកថា ក្រសួងនឹងមានគម្រោងដូរជាបន្តបន្ទាប់ទៀត។
សូមបញ្ជាក់ថា ឯកឧត្ដម ស៊ុន ចាន់ថុល បានបន្ថែមថា ក្រសួងនឹងមានវិធានក្ដៅៗ ដើម្បីដកមន្ត្រីជញ្ជីងខូចទាំងឡាយចេញឲ្យអស់ ហើយលោក ក៏អំពាវនាវមន្ត្រីជញ្ជីងទាំងអស់ ត្រូវធ្វើការឲ្យបានត្រឹមត្រូវ ជាពិសេស រថយន្តត្រូវថ្លឹងឲ្យបានពិតប្រាកដ មិនអាចឲ្យរថយន្ត ឆ្លងកាត់ដោយមិនថ្លឹងនោះទេ។
