- 2024-05-04 06:21:15
- ការអប់រំ
និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ
- 2024-05-04 06:21:15
- ចំនួនមតិ 0 | ចំនួនចែករំលែក 0
និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ
ចន្លោះមិនឃើញ
និស្សិតរបស់វិទ្យាស្ថានខេមអេដពីររូបគឺ យឹម ច័ន្ទយ៉ានីត ចេង សុធីតា ថាសប្បាយចិត្តមែនទែនបន្ទាប់ពីបានចូលរួមសិក្ខាសាលាដែលរៀបចំដោយសាលា (CamEd Business School ) ផ្ទាល់ និងមានការចូលរួមពីអ្នកជំនាញៗពិសេសមន្ត្រីជាន់ខ្ពស់របស់ពន្ធដារដែលបានពន្យល់ និងស្រាយចម្ងល់ជាច្រើនរបស់ពួកគេកាលពីម្សិលមិញ។
និស្សិតឆ្នាំទី៣ ទាំងពីរខាងលើបានឲ្យដឹងក្រោយបញ្ចប់សិក្ខាសាលាថា ពួកគេមានចិត្តសប្បាយរីករាយជាខ្លាំងបន្ទាប់ពីចូលរួមសិក្ខាសាលានេះ ព្រោះបានយល់ដឹងកាន់តែច្បាស់ពីមុខវិជ្ជាដែលខ្លួនកំពុងរៀន និងចំណុចដែលត្រូវបំពេញបន្ថែមដើម្បីឲ្យការសិក្សាទទួលបានជោគជ័យ។
បន្ថែមពីនេះទៅទៀតយុវតី យឹម ច័ន្ទយ៉ានីត ចេង សុធីតា បានដឹងពីទីផ្សារការងារ និងឱកាសការងារផ្សេងៗក្រោយពេលបញ្ចប់ការសិក្សានៅថ្ងៃខាងមុខផងដែរ។ កាន់តែអស្ចារ្យនោះគឺគន្លឹះពិសេសៗពីវាគ្មិនជំនាញទាំង ៥រូបក៏ដូចជាមន្ត្រីជាន់ខ្ពស់ខាងពន្ធដារពិតជាបានពន្យល់ និងដោះស្រាយចម្ងល់ជាច្រើនដែលធ្លាប់មានកន្លងមក។ អ្នកទាំងពីរសូមអរគុណដល់វិទ្យាស្ថានខេមអេដ (CamEd Business School ) ដែលតែងតែបង្កើតឲ្យមានជាសិក្ខាសាលារហូតមកវាពិតជាបានជួយដល់ផ្នែកសិក្សាបន្ថែមរបស់សិស្សនិស្សិតផងដែរ។
បញ្ជាក់ដែរថា វិទ្យាស្ថានខេមអេដ (CamEd Business School ) ម្សិលមិញនេះបានរៀបចំសិក្ខាសាលាស្ដីពី“អាជីពការងារក្នុងវិស័យគណនេយ្យ សវនកម្ម និងពន្ធដារ” (Conference on Careers in Accounting, Auditing & Tax 2024) លើកទី១៨ ក្នុងវិទ្យាស្ថានផ្ទាល់តែម្ដងដោយមានសិស្សនិស្សិតចូលរួមជាច្រើន។ វាគ្មិនដែលបានចូលរួមធ្វើបទបង្ហាញរួមមាន Mr. Casey Barnett H.E.Dr.Eng Ratana Mr. Chhim Tepwinuth Mrs. Vajiravann Chamnan Mr. Ng Yee Zent៕
