- 2019-01-30 04:13:03
- ព័ត៌មាន
ចាប់ខ្លួនវិស្វករ ៥នាក់ ក្រោយបាក់ទំនប់យ៉ាងសាហាវនៅប្រេស៊ីល
- 2019-01-30 04:13:03
- ចំនួនមតិ 0 | ចំនួនចែករំលែក 0
ចាប់ខ្លួនវិស្វករ ៥នាក់ ក្រោយបាក់ទំនប់យ៉ាងសាហាវនៅប្រេស៊ីល
ចន្លោះមិនឃើញ
វិស្វករចំនួន ៥នាក់ត្រូវបានចាប់ខ្លួនក្នុងប្រទេសប្រេស៊ីលកាលពីថ្ងៃអង្គារទី ២៩ ខែមករានេះ ក្រោយការស៊ើបអង្កេតជុំវិញការបាក់ទំនប់កាលពីសប្ដាហ៍មុន។
ក្នុងចំណោមវិស្វករទាំង ៥នាក់ មាន៣នាក់កំពុងធ្វើការឲ្យក្រុមហ៊ុន Vale ដែលជាម្ចាស់កម្មសិទ្ធិអណ្ដូងរ៉ែ ហើយពួកគេជាប់ពាក់ព័ន្ធដោយផ្ទាល់ជាមួយការដំណើរការទាំងស្រុង។ វិស្វករទាំង ៥ត្រូវបានចាប់ខ្លួនក្នុងទីក្រុង Belo Horizonte ដែលនៅជិតមូលដ្ឋានរបស់ក្រុមហ៊ុន Vale ផងដែរ។ ចំណែកឯវិស្វករពីរនាក់ផ្សេងទៀត ត្រូវបានចាប់ខ្លួននៅក្នុងទីក្រុង Sao Paulo។ ឥឡូវនេះពួកគេ កំពុងស្ថិតក្រោមការឃុំឃាំងដែលអាចមានរយៈពេលរហូតដល់ ៣០ថ្ងៃដើម្បីសាកសួរដោយព្រះរាជអាជ្ញា។
គួរឲ្យដឹងថា ហេតុការណ៍បាក់ទំនប់ដ៏អាក្រក់មួយ បានកើតឡើងកាលពីថ្ងៃសុក្រសប្ដាហ៍មុនដែលបានសម្លាប់មនុស្សយ៉ាងហោច ៦៥នាក់ ខណៈ ២៧៩នាក់ផ្សេងទៀតបាត់ខ្លួន ដែលគេសន្និដ្ឋានថាអាចនឹងស្លាប់។ ចំណែកឯវិស្វករទាំង ៥នាក់ គឺមានទំនួលខុសត្រូវសម្រាប់ការត្រួតពិនិត្យសុវត្ថិភាពចុងក្រោយបង្អស់មុនហេតុការណ៍ដ៏អាក្រក់នេះកើតឡើង៕
ចុចអាន ៖