- 2019-03-18 02:16:11
- ព័ត៌មាន
ក្រុងមួយនៅអាមេរិក ក្លាយជាទីក្រុងដំបូងបង្អស់ហាមឃាត់ការលក់ដបប្លាស្ទិក
- 2019-03-18 02:16:11
- ចំនួនមតិ 0 | ចំនួនចែករំលែក 0
ក្រុងមួយនៅអាមេរិក ក្លាយជាទីក្រុងដំបូងបង្អស់ហាមឃាត់ការលក់ដបប្លាស្ទិក
ចន្លោះមិនឃើញ
ខណៈពេលដែលសំណល់ប្លាស្ទិក គឺជាការបំពុលនិងបញ្ហាចម្បងសម្រាប់បរិស្ថាន ទីក្រុង San Francisco នៃសហរដ្ឋអាមេរិកបានក្លាយជាទីក្រុងដំបូងបង្អស់ដែលហាមឃាត់ការលក់ដបប្លាស្ទិកដើម្បីដោះស្រាយបញ្ហានេះ។
រដ្ឋាភិបាលទីក្រុង San Francisco បានចាប់ផ្ដើមបដិវត្ដនេះហើយក្លាយជាទីក្រុងដំបូងគេបង្អស់ក្នុងពិភពលោក។ នេះគឺជាការចាប់ផ្តើមនៃចលនាជាដែលនឹងកាត់បន្ថយបរិមាណសំណល់ប្លាស្ទិកជារៀងរាល់ឆ្នាំ។ ក្នុងអំឡុងរយៈពេល ៤ឆ្នាំមុន ការហាមឃាត់នេះ ត្រូវបានគ្រោងនិងស្នើសុំដោយយុទ្ធនាការ Think Outside the Bottle ដែលជំរុញឲ្យមានការរឹតបន្ដឹងការលក់ផលិតផលប៉ះពាល់ដល់បរិស្ថាន។ លើសពីនេះទៀត ការផាកពិន័យសម្រាប់អ្នកល្មើសនឹងការហាមឃាត់នេះអាចឈានដល់ ១ ០០០ ដុល្លារ ហេតុដូច្នេះហើយ វាជំរុញឲ្យប្រជាជនទិញដបទឹកដែលអាចប្រើប្រាស់ឡើងវិញបានជាជាងដបប្លាស្ទិក។
គួរឲ្យដឹងថា សំណល់ប្លាស្ទិកត្រូវបានចោលប្រមាណជា ៣០០លានតោនជារៀងរាល់ឆ្នាំ ហើយ ៥០%នៃសំណល់ទាំងនោះត្រូវបានចោលក្រោយពេលប្រើប្រាស់ម្ដងប៉ុណ្ណោះដែលជាហេតុធ្វើឲ្យប៉ះពាល់ខ្លាំងដល់បរិស្ថាន និងបណ្ដាលឲ្យប្រទេសជាច្រើនជុំវិញពិភពលោកចាប់ផ្ដើមគិតគូរដោះស្រាយបញ្ហានេះជៀសវាងការបំពុលបរិស្ថានកាន់តែធ្ងន់ធ្ងរ៕
