- 2019-03-30 07:32:32
- ព័ត៌មាន
១លើ១លានករណី កូនភ្លោះរបស់នារីម្នាក់មានឪពុក២ផ្សេងគ្នា
- 2019-03-30 07:32:32
- ចំនួនមតិ 0 | ចំនួនចែករំលែក 0
១លើ១លានករណី កូនភ្លោះរបស់នារីម្នាក់មានឪពុក២ផ្សេងគ្នា
ចន្លោះមិនឃើញ
ក្រោយធ្វើតេស្ត DNA បង្ហាញថាកូនភ្លោះរបស់នារីម្នាក់មានឪពុក២ផ្សេងគ្នា ដែលកូន១គឺជារបស់នាងនិងប្តី រីឯកូន១ទៀតគឺជាកូនដែលនាងមានផ្ទៃពោះជាមួយបុរសផ្សេងទៀត ហើយនេះគឺជារឿងកម្រ និង ចម្លែកបំផុត របស់នាងក្នុងការមានផ្ទៃពោះទ្វេដង "១លើ១លានករណី"។ នេះបើតាម The Sun ទើបចុះផ្សាយកាលពីថ្ងៃពុធ។
លទ្ធផលដ៏គួរឲ្យភ្ញាក់ផ្អើលមួយបានផ្ទុះឡើង នៅពេលម្តាយរបស់កូនភ្លោះខាងលើ ដែលមិនបញ្ចេញឈ្មោះ មកពីទីក្រុងស៊ាម៉េន ( Xiamen) ខេត្តហ៊្វូជៀនភាគខាងកើតប្រទេសចិន ស្នើឲ្យមានការធ្វើតេស្ត ដែលជាផ្នែកមួយនៃដំណើរការផ្លូវច្បាប់ដើម្បីចុះបញ្ជីក្នុងសៀវភៅគ្រួសារពួកគេ។
យោងតាមកាសែតក្នុងស្រុក Strait Herald បានឱ្យដឹងថាឪពុករបស់កូនភ្លោះមានការងឿងឆ្ងល់ជាយូរមកហើយពីមូលហេតុដែលកូនភ្លោះរបស់គាត់មិនដូចគ្នា មិនដូចគ្នាតាំងពី ភ្នែក មាត់ ច្រមុះ និង ទារកមួយក្នុងចំណោមនោះក៏មិនដូចគាត់ដែរ។
ក្រោយធ្វើតេស្ត DNA នារីនោះបានសារភាពថានាងធ្លាប់រួមរក្សស្នេហ៍១រាត្រីជាមួយបុរសមិនធ្លាប់ស្គាល់គ្នាម្នាក់មែន (one-night stand)។
ប្រភពខាងលើដកស្រង់សម្តីរបស់ឪពុកទារកនោះថា "ខ្ញុំនៅតែចង់ចិញ្ចឹមកូនរបស់ខ្ញុំ ប៉ុន្តែកូន១ទៀតរបស់អ្នកផ្សេង ខ្ញុំមិនត្រូវការចិញ្ចឹមទេ"។
ក្រុមវេជ្ជបណ្ឌិតបាននិយាយថាវាគឺជាករណីដ៏កម្រមួយ នៅពេលដែលស៊ុត២ឬច្រើនបញ្ចេញនៅក្នុងវដ្តតែ១ ហើយត្រូវបានបង្កាត់ដោយមេជីវិតឈ្មោលពីឪពុកផ្សេងគ្នា ហើយថានាងប្រហែលជារួមភេទជាមួយបុរសទាំង២ក្នុងរយៈពេលតែប៉ុន្មានថ្ងៃប៉ុណ្ណោះ។
ករណីកម្រនេះត្រូវបានចុះផ្សាយ ជាសាធារណៈដោយមជ្ឈមណ្ឌលផ្ទៀងផ្ទាត់ភាពត្រឹមត្រូវនៃការិយាល័យ Fujian Zhengtai នៅក្នុងទីក្រុង Xiamen។
អ្នកស្រី Zhang ប្រធានការិយាល័យបាននិយាយថា "ពួកគេគឺជាកូនភ្លោះឪពុកផ្សេងគ្នា" ហើយអ្នកស្រីបន្តថា បញ្ហាប្តីប្រពន្ធនេះទុកឲ្យពួកគេដោះស្រាយដោយខ្លួនឯង៕