/5ce6400fb4dce_1558593540_medium.jpg)
- 2019-05-23 06:41:04
- ព័ត៌មាន
គ្រូបង្រៀននៅចិន ផ្ទុះការតវ៉ាខ្លាំងដោយសារទទួលប្រាក់ខែតិចជាងមន្ត្រីសាធារណ
- 2019-05-23 06:41:04
- ចំនួនមតិ 0 | ចំនួនចែករំលែក 0
គ្រូបង្រៀននៅចិន ផ្ទុះការតវ៉ាខ្លាំងដោយសារទទួលប្រាក់ខែតិចជាងមន្ត្រីសាធារណ
ចន្លោះមិនឃើញ
គ្រូបង្រៀនសាលារដ្ឋចិនជាង ២០០នាក់ បានលើកគ្នាមកតវ៉ានៅមុខការិយាល័យរដ្ឋាភិបាលនៅភាគនិរតីប្រទេសចិនកាលពីថ្ងៃអង្គារកន្លងទៅទាមទារឲ្យមានការដំឡើងប្រាក់ខែសមរម្យ។
គ្រូបង្រៀនទាំងនោះមកពីបឋមសិក្សា និងមធ្យមសិក្សាក្នុងស្រុក Jianyang នៃខេត្ត Sichuan ដើម្បីដាក់ញត្តិដោយអះអាងថាពួកគេទទួលបានប្រាក់ខែតិចជាងមន្ត្រីសាធារណផ្សេងៗទៀត។ យោងតាមគ្រូមធ្យមសិក្សាម្នាក់ដែលចូលរួមការតវ៉ាឲ្យដឹងថា "មន្ត្រីសាធារណទទួលបានប្រាក់ឧបត្ថម្ភបន្ថែមរហូតដល់ ៣៩ ៨០០យ័ន(៥ ៧៦០ដុល្លារ)ក្នុងឆ្នាំនេះ ចំណែកឯគ្រូបង្រៀនវិញ ទទួលបានតែ ១៤ ៥០០យ័ន(២ ០៩៧ដុល្លារ)ប៉ុណ្ណោះ។” ជាមួយគ្នាដែរ លោកគ្រូបង្រៀនម្នាក់ទៀតឲ្យដឹងថា លោកធ្វើការជាគ្រូបង្រៀនអស់រយៈពេល ១២ឆ្នាំហើយតែទទួលបានប្រាក់ខែត្រឹម ៣ ៤០០យ័ន(៤៩១ដុល្លារ) ប៉ុណ្ណោះក្នុងមួយខែ។
យ៉ាងណាមិញ មកទល់ពេលនេះរដ្ឋាភិបាល មិនទាន់ធ្វើការឆ្លើយតបណាមួយទាក់ទងនឹងការទាមទាររបស់គ្រូបង្រៀនទាំងអស់នៅឡើយទេ ដោយអ្នកនាំពាក្យអះអាងថានឹងធ្វើការស៊ើបអង្កេតពីស្ថានភាពរបស់គ្រូបង្រៀន ក៏ដូចជាដំណោះស្រាយសម្រាប់ពួកគេផងដែរ៕
