- 2019-08-04 01:59:52
- ព័ត៌មាន
វីវរហើយ! ផ្ទុះគ្រាប់បែកមួយក្ដាំង ថៃព្យាយាមធានាសុវត្ថិភាពអ្នកទេសចរនៅបាងកក
- 2019-08-04 01:59:52
- ចំនួនមតិ 0 | ចំនួនចែករំលែក 0
វីវរហើយ! ផ្ទុះគ្រាប់បែកមួយក្ដាំង ថៃព្យាយាមធានាសុវត្ថិភាពអ្នកទេសចរនៅបាងកក
ចន្លោះមិនឃើញ
ក្នុងបំណងស្តារជំនឿចិត្តរបស់អ្នកទេសចរបរទេសអំពីសុវត្ថិភាពរបស់គេនៅក្នុងព្រះរាជាណាចក្រនេះក្រោយការផ្ទុះគ្រាប់បែកតូចៗជាច្រើនកាលពីពេលព្រឹក រដ្ឋមន្ត្រីទេសចរណ៍និងកីឡាថៃលោកភីផាត រ៉ាតចាគីតប្រាកាន( Phiphat Ratchakitprakan) កាលពីយប់ថ្ងៃសុក្រទី២សីហា បានទៅទស្សនាតំបន់ឆាយណាថោននៃក្រុងបាងកក។
លោកបានស្វាគមន៍និងចាប់រលាក់ដៃអ្នកទេសចរបរទេស និងបានធានាពួកគេថា សភាពការណ៍បានស្ថិតក្រោមការគ្រប់គ្រង។បន្ទាប់មកលោកភីផាតបានប្រាប់អ្នកកាសែតថា ឧបទ្ទវហេតុគ្រាប់បែកនេះមិនប៉ះពាល់ទេសចរណ៍ថៃជាទូទៅទេនិងបានណែនាំទៅការិយាល័យប៉ូលិសទេសចរណ៍ អាជ្ញាធរទេសចរណ៍ថៃនិងទីភ្នាក់ងារដទៃទៀតរបស់ក្រសួងអោយតាមដានសភាពការណ៍និងធានាសុវត្ថិភាពអ្នកទេសចរ។ សូមបញ្ជាក់ថាការផ្ទុះគ្រាប់បែកជាបន្តបន្ទាប់នៅក្រុងបាងកកនិងខេត្តណុនថាប៊ូរីដែលបណ្តាលអោយរបួសមនុស្ស៤នាក់កាលពីថ្ងៃសុក្រទំនងជាជាប់ទាក់ទងនឹងពួកបះបោរនៅចុងខាងត្បូង តែទោះជាយ៉ាងណាគេមិនច្រានចោលហេតុផលនយោបាយទេ នេះបើតាមប្រភពសន្តិសុខថៃ។
បន្ទាប់ពីបណ្តាទីភ្នាក់ងារសន្តិសុខនិងចារកម្មបានជួបប្រជុំ ក្រោមអធិបតីភាពលោកឧបនាយករដ្ឋមន្ត្រី ប្រាវីត វង់ស៊ូវ៉ុន កាលពីយប់ថ្ងៃសុក្រ ប្រភពព័ត៌មានបាននិយាយថាអាជ្ញាធរជឿថាការវាយប្រហារនេះជាប់ពាក់ព័ន្ធនឹងការពង្រីកប្រតិបត្តិការរបស់ពួកបះបោរផ្តាច់ទឹកដីនៅភាគខាងត្បូង។តែទោះជាយ៉ាងណា វាអាចមានការគាំទ្រពីក្រុមនយោបាយនិងក្រុមផ្សេងៗ។ ក្នុងពេលជាមួយគ្នា មេប៉ូលិសថៃបាននិយាយថា ការស៊ើបអង្កេតដំបូងបានរកឃើញថា ការបំផ្ទុះគ្រាប់នេះប្រហែលជាធ្វើឡើងដោយក្រុមបះបោរដដែល ដែលបានវាយប្រហារដោយគ្រាប់បែកនៅខេត្តភាគខាងត្បូងនិងកណ្តាលចំនួន៧កាលពីឆ្នាំ២០១៦។
គ្រាប់បែកតូចៗចំនួន៧ត្រូវបានរាយការណ៍នៅទីតាំងចំនួន៥នៅក្រុងបាងកកនិងខេត្តណុនថាប៊ូរីកាលពីថ្ងៃសុក្រ និង៥គ្រាប់បានផ្ទុះរបួសមនុស្ស៤នាក់។អគ្គិភ័យចំនួន៣ក៏បានកើតមាននៅទីតាំង៣នៅក្នុងតំបន់Pratunamនៃក្រុងបាងកកនៅថ្ងៃសុក្រ ដោយអគ្គិភ័យមួយត្រូវបានសង្ស័យថាមានគេលួចដុត ហើយអំបែងគ្រាប់ត្រូវបានរកឃើញក្នុងគំនរផេះ៕