- 2019-11-20 04:26:59
- សុខភាព
អ្នកស្រាវជ្រាវបង្ហើបអាថ៌កំបាំងសំរាប់មនុស្សវ័យចំណាស់ចង់បានខួរក្បាលនៅល្អដូចវ័យក្មេង
- 2019-11-20 04:26:59
- ចំនួនមតិ 0 | ចំនួនចែករំលែក 0
អ្នកស្រាវជ្រាវបង្ហើបអាថ៌កំបាំងសំរាប់មនុស្សវ័យចំណាស់ចង់បានខួរក្បាលនៅល្អដូចវ័យក្មេង
ចន្លោះមិនឃើញ
អ្នកជំនាញខាងប្រព័ន្ធប្រសាទរកឃើញថាការធ្វើសមាធិបានជួយឲ្យមនុស្សក្នុងវ័យចំណាស់អាចមានប្រព័ន្ធខួរក្បាលដូចក្មេងដែលមានអាយុត្រឹមពាក់កណ្ដាលពួកគេ។
អ្នកជំនាញខាងប្រព័ន្ធប្រសាទលោកស្រីSara Lazar បានធ្វើការសិក្សាទៅលើការធ្វើសមាធិ ដោយបានរកឃើញថាការធ្វើសមាធិធ្វើឲ្យខួរក្បាលមានតំបន់ពណ៌ប្រផេះកាន់តែធំ ដែលអាចជួយបង្កើនការចងចាំ និងការធ្វើការសម្រេចចិត្តបានលឿនជាដើម។ ការសិក្សាបានរកឃើញថាបើអ្នកនៅអាយុ៥០ឆ្នាំ ហើយបានធ្វើសមាធិជាប្រចាំនោះខួរក្បាលរបស់ពួកគាត់ដូចទៅនឹងមនុស្សនៅអាយុ២៥ឆ្នាំដូចនេះដែរ។
ការធ្វើសមាធិមិនត្រូវការពេលច្រើននោះទេ បើតាមការសិក្សារបស់អ្នកស្រីSara Lazar គ្រាន់តែចំណាយពេល១៥ទៅ២០នាទីក្នុងមួយថ្ងៃអាចធ្វើឲ្យមានការផ្លាស់ប្តូរជាវិជ្ជមានទៅលើដំណើរការខួរក្បាលរបស់មនុស្ស។
អ្នកស្រីបញ្ជាក់ថា៖ «អ្នកអាចធ្វើសមាធិនៅថ្ងៃខ្លះ៤០នាទី នៅថ្ងៃខ្លះត្រឹមប្រាំនាទី នៅថ្ងៃខ្លះអត់សោះ វាមិនដូចការហាត់ប្រាណនោះទេ បើធ្វើវាត្រឹមបីថ្ងៃក្នុងមួយសប្តាហ៍ជាការល្អបំផុតហើយ ប៉ុន្តែបើអ្នកអាចធ្វើវាបន្តិចបន្តួចប្រចាំថ្ងៃនោះកាន់តែល្អថែមទៀត»៕