- 2020-01-14 08:34:33
- សុខភាព
ជំងឺរលាកសួតកំពុងផ្ទុះនៅខេត្តមួយរបស់ចិន ឥលូវរាលដាលដល់ថៃ
- 2020-01-14 08:34:33
- ចំនួនមតិ 0 | ចំនួនចែករំលែក 0
ជំងឺរលាកសួតកំពុងផ្ទុះនៅខេត្តមួយរបស់ចិន ឥលូវរាលដាលដល់ថៃ
ចន្លោះមិនឃើញ
ប្រទេសថៃរកឃេីញករណីជំងឺរលាកសួតបណ្តាលមកពីមេរោគកូរ៉ូណាវីរុសប្រភេទថ្មី ជាលេីកដំបូង (ស្រ្តីអាយុ៦១ឆ្នាំ រលាកសួតស្រាល គាត់បានជាសះស្បេីយហេីយ គាត់ធ្វេីដំណេីរពីទីក្រុងវូហាយ ខេត្តហ៊ូបុី ប្រទេសចិន តែមិនទាន់ដឹងឆ្លងពីប្រភពណានៅឡេីយនៅពេលគាត់រស់ក្នុងទីក្រុងវូហាយ គ្មានអ្នកផ្សេងទៀតឆ្លងជំងឺនេះទេ)។ នេះជាការលើកឡើងរបស់ លោកវេជ្ជបណ្ឌិត លី សុវណ្ណ ប្រធាននាយកដ្ឋានប្រយុទ្ធនឹងជំងឺឆ្លង (CDC) នៃក្រសួងសុខាភិបាល ដែលបានបង្ហោះនៅប៉ុន្មាននាទីមុននេះ។
លោកវេជ្ជបណ្ឌិត បានលើកឡើងទៀតថា ជំងឺនេះភាគច្រេីនរកឃេីញចំលងចេញពីទីផ្សារលក់គ្រឿងសមុទ្រ ក្នុងទីក្រុងវូហាន (ផ្សារនេះត្រូវបានបិទ និងសំអាតនៅថ្ងៃទី ១ មករា មកម៉្លេះ)។
ប្រធាននាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលកម្ពុជា បានរៀបរាប់ពីបច្ចុប្បន្នភាព នៃជំងឺរលាកសួតបណ្ដាលមកពីមេរោគកូរ៉ូណាវីរុសប្រភេទថ្មី ដូចខាងក្រោម៖
- ប្រភេទមេរោគ កូរ៉ូណាវីរុសថ្មី រកឃេីញដំបូងនៅថ្ងៃទី ៧ មករា ២០២០
- គ្មានរកឃេីញឆ្លងមនុស្សទៅមនុស្សទេ
- គ្មានគ្រូពេទ្យថែទាំអ្នកជំងឺឆ្លងជំងឺទេ
- សរុប ៤១ ករណី ក្នុងនោះ ១នាក់ស្លាប់ (ព្រោះគាត់មានជំងឺរ៉ាំរ៉ៃផ្សេទៀត)
ជំងឺរលាកផ្លូវដង្ហេីមបណ្តាលមកពីមេរោគថ្មី នៅក្រុងវូហាន ខេត្តហ៊ូបុី ប្រទេសចិន
- មេរោគបង្កឡេីងដោយ កូរ៉ូណាវីរុស ប្រភេទថ្មី (កូរ៉ូណាវិរុសចាស់រួមមាន : ១.កូរ៉ូណាវីរុសបង្កជំងឺ សារស៏ ក្នុងឆ្នាំ២០០៣: ឆ្លងពីសត្វសំប៉ូចប្រផេះ) ២. កូរ៉ូណាវីរុសបង្កជំងឺ MERS នៅមជ្ឈឹមូព៌ា នៅក្នុងឆ្នាំ ២០០៨: ឆ្លងពីសត្វអូដ៏)
- ចំលងមកពីសត្វ តែមិនទាន់ដឹងប្រភពច្បាស់លាស់ពីសត្វអ្វី
- មិនទាន់មានភស្តុតាងបញ្ជាក់ថាឆ្លងពីមនុស្សម្នាក់ទៅមនុស្សម្នាក់ទៀតនៅឡេីយ
- ជំងឺនេះរកឃេីញឆ្លងប្រភពតែពីទីក្រុង វូហាន ខេត្តហ៊ូបុី ក្នុងប្រទេសចិនតែប៉ុណ្ណោះ
- ពុំទាន់រកឃេីញករណីជំងឺនេះនៅប្រទេសកម្ពុជានៅឡេីយទេ
- រោគសញ្ញាជំងឺរួមមាន គ្រុនក្តៅលេីសពី ៣៨អង្សាសេ ក្អក ករណីធ្ងន់ធ្ងរមានហត់ឬពិបាកដកដង្ហេីម
- ចាត់ទុកករណីសង្ស័យ: រាល់អ្នកដំណេីរមានរោគសញ្ញាគ្រុនក្តៅលេីសពី ៣៨.៥អង្សាសេ ក្អក ហត់ឬពិបាកដកដង្ហេីម និងមានប្រវត្តិមកពីទីក្រុងខាងលេីក្នងកំឡុងពេល១៤ថ្ងៃ សូមរកការព្យាបាលនៅមន្ទីរពេទ្យជិតបំផុត និងប្រាបគ្រូពេទ្យអំពីប្រវត្តន៏នៃការធ្វេីដំណេីរផង
ការពារជំងឺ៖
- កុំប៉ះពាល់សត្វរស់ កុំទៅកន្លែងផ្ទុះជំងឺ និងទីផ្សារ នៅក្នងទីក្រុងខាងលេី
- ឧស្សាហ៏លាងដៃជាមួយសាប៊ូនិងទឹក ឬជាមួយហ្សែល
- កុំប៉ះពាល់អ្នកជំងឺ ឬមន្ទីរពេទ្យមានអ្នកជំងឺខាងលេី
- ហូបសាច់ និងពងសត្វដែលចំអិនឆ្អិនល្អ
- ពេលក្អក ឬកណ្តាស ត្រូវក្រដាសឬកន្សែងខ្ទប់មុខ
- រាយការណ៏ទៅលេខ ១១៥ បេីចង់ដឹងពត៌មានបន្ថែមឬរាយ ការណ៏ករណីសង្ស័យ
វិធានការណ៏ក្រសួងសុខាភិបាល៖
- តាមដាន និងឃ្លាំមេីលអ្នកដំណេីរដោយប្រេីម៉ាស៊ីនស្ទង់កុំដៅជាពិសេសអ្នកដំណេីរមកពីទីក្រុងខាងលេី
- មានមន្ទីរពិសោធន៏ជាតិត្រៀមជាស្រេចដេីម្បីរកអត្តសញ្ញាណមេរោគថ្មី
- ក្រុមជំនាញសុខាភិបាលជាង ២ ០០០ នាក់ ដែលបានបណ្តុះបណ្តាលរួចជាស្រេចក្នុងការតាមដាននិងឆ្លេីយតបជំងឺកេីតឡេីងថ្មីៗ ត្រៀមលក្ខណ:ឆ្លេីយតបបេីកេីតមានជាយថាហេតុ។
អ្នកនាំពាក្យក្រសួងសុខាភិបាល លោកវេជ្ជបណ្ឌិត លី សុវណ្ណ ក៏បានអំពាវនាវបងប្អូនតាមដានពត៌មាន ដែលមានប្រភពច្បាស់លាស់ ពីក្រសួងសុខាភិបាល ហើយប្រសិនបើមានចម្ងល់អាចទាក់ទងទៅកាន់លេខ ១១៥ ៕
ខ្លឹមសារ និងរូបភាពយកពីផេក នាយកដ្ឋានតាមដានជំងឺឆ្លង CDC