• 2020-01-15 07:01:03
  • សុខភាព

សម្រេចកាមខ្លួនឯង? កុំចេះតែហ៊ាន! កុំចេះតែញឹកពេក!

  • 2020-01-15 07:01:03
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើការសម្រេចកាមដោយខ្លួនឯង មិនបង្កជាហានិភ័យ ឬគ្រោះថ្នាក់អ្វីធ្ងន់ធ្ងរចំពោះសុខភាព ប៉ុន្តែ នេះក៏មិនមែនបានន័យថា អ្នកអាចធ្វើវាញឹកញាប់នោះដែរ។

ប្រាកដណាស់ វាមានហានិភ័យទាប។ វាជាទម្រង់នៃការរួមភេទ ដែលមានសុវត្ថិភាពបំផុត។ គ្មាននរណាម្នាក់ធ្លាប់មានជំងឺកាមរោគដោយខ្លួនឯងផ្ទាល់ ឬធ្វើឲ្យខ្លួនមានផ្ទៃពោះ តាមរយៈការសម្រេចកាមដោយខ្លួនឯងឡើយ ប៉ុន្តែ វាក៏ជាជាសកម្មភាពដែលមានហានិភ័យតិចតួច ដែលអ្នកគួរព្រួយបារម្ភផងដែរ។

ការសម្រេចកាមដោយខ្លួនឯងជាប្រចាំ ឬខ្លាំងក្លាអាចបណ្តាលឲ្យរលាកស្បែកតិចតួច។ ការបង្ខំឲ្យលិង្គត្រង់ក្បាល ឬបញ្ចេញទឹកកាមញឹកញាប់ខ្លាំង អាចធ្វើឲ្យមានបញ្ហាដល់ប្រព័ន្ធឈាមនៅតំបន់លិង្គ រហូតបង្កជាបញ្ហាសុខភាពធ្ងន់ធ្ងរថែមទៀតផង។ មនុស្សស្រីក៏ដូចគ្នា វាអាចធ្វើឲ្យរលាក ឬហើមទ្វារមាស។

វេជ្ជបណ្ឌិតមួយចំនួនបានរកឃើញថា មនុស្សប្រុសខ្លះ បន្ទាប់ពីការសម្រេចកាមដោយខ្លួនឯងយ៉ាងស្វាហាប់ ក្រោយមក លិង្គរបស់ពួកគេមើលទៅដូចជាត្រប់ទន់មួយអ៊ីចឹង។ វាមានពណ៌ស្វាយ ហើយហើម។ បុរសខ្លះទៀតត្រូវការការវះកាត់ដើម្បីជួសជុល និងព្យាបាល៕​

ប្រភព៖ Health.com.kh កែសម្រួលដោយ ៖ ឈឹម សៅភារ៉ា

មតិយោបល់
អត្ថបទពេញនិយម
អត្ថបទថ្មី