ប្រជាជនខ្មែរ អាចជួយអ្នករងគ្រោះទឹកជំនន់ នៅស្ទឹងត្រែងបាន មានលេខទាក់ទងស្រាប់

2018-08-02 05:10:00
ព័ត៌មាន

2018-08-02 05:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានភាពទឹកជំនន់នៅខេត្តស្ទឹងត្រែង បានលិចលង់ និងបន្តឡើងចុះ បង្កឲ្យមានផលប៉ះពាល់ខូចខាតជម្រក និងទ្រព្យសម្បត្តិ ប្រជាពលរដ្ឋក្នុងឃុំ សង្កាត់មួយចំនួន ពិសេសនៅស្រុកសៀមប៉ាង។

រូបថត រដ្ឋបាលខេត្តស្ទឹងត្រែង

ដោយហេតុនេះ គណៈកម្មាធិការគ្រប់គ្រងគ្រោះមហន្តរាយខេត្ត បានចេញលិខិតអំពាវនាវឲ្យមហាជន អាចចូលរួមតាមលទ្ធភាព ដើម្បីជួយជនរងគ្រោះពីទឹកជំនន់។

គណៈកម្មាធិការគ្រប់គ្រងគ្រោះមហន្តរាយខេត្តស្ទឹងត្រែង បានអំពាវនាវដល់មហាជនគ្រប់ផ្នែក និងគ្រប់វិស័យមានដូចជា តំណាងអង្គការសង្គមស៊ីវិល ដៃគូអភិវឌ្ឍន៍ ផ្នែកឯកជន ក្រុមហ៊ុន សហគ្រាស និងសប្បុរសជននានា មេត្តាពិនិត្យលទ្ធភាព ក្នុងការរួមចំណែកជាធនធានថវិកា សម្ភារបរិក្ខារ ស្បៀងអាហារ និងមធ្យោបាយផ្សេងៗ។

អំណោយមនុស្សធម៌ចែកដល់អ្នកស្រុក សៀមប៉ាង កន្លងទៅ

ការជួយនេះ គឺសម្រាប់ចូលរួមជាមួយគណៈកម្មាធិការគ្រប់គ្រងគ្រោះមហន្តរាយខេត្ត ដើម្បីនាំយកនូវធនធានទាំងនេះទៅផ្ដល់ជូនបងប្អូនប្រជាពលរដ្ឋ នៅតាមតំបន់ដែលរងផលប៉ះពាល់ ពីទឹកជំនន់ទាំងអស់ក្នុងខេត្តស្ទឹងត្រែង។

តាមប្រភពព័ត៌មាន ពីទំព័រហ្វេសប៊ុក រដ្ឋបាលខេត្តស្ទឹងត្រែង បានបញ្ជាក់ថា ចំពោះសប្បុរសជនអាចចូលរួមចំណែកជាមួយគណៈកម្មាធិការគ្រប់គ្រងគ្រោះមហន្តរាយខេត្តស្ទឹងត្រែង តាមរយ:ទូរសព្ទលេខ ០៨៨ ៨២២ ១២៧២, ០៩៧ ៩១២ ៧០០០ និង ០១២ ៤៦៩ ៤៩២។