- 2018-08-26 08:53:00
- សុខភាព
ពាក្យមួយម៉ាត់ថា "កុំ" ជួយឲ្យអ្នកបោះបង់ទម្លាប់អាក្រក់បាន
- 2018-08-26 08:53:00
- ចំនួនមតិ 0 | ចំនួនចែករំលែក 0
ពាក្យមួយម៉ាត់ថា "កុំ" ជួយឲ្យអ្នកបោះបង់ទម្លាប់អាក្រក់បាន
ចន្លោះមិនឃើញ
រាប់តាំងពីការចូលចិត្តធ្វើអ្វីមួយដោយពន្យាពេល រហូតដល់ការជក់បារី ឬ ការចំណាយពេលច្រើនពេកលើបណ្តាញសង្គម ឬ លើ YouTube ជាំទម្លាប់អាក្រក់ដែលត្រូវបោះបង់ចោល។
សកម្មភាពញៀនប្រចាំថ្ងៃទាំងនេះពិតជាពិបាកជម្រុះចោល ព្រោះវាបានចាក់ជ្រៅទៅក្នុងខួរក្បាលរបស់មនុស្សគ្រប់គ្នា។ នេះបើតាមការចុះផ្សាយរបស់សារព័ត៌មាន The Independent។
អ្នកជំនាញចិត្តសាស្រ្តលោក Amantha Imber បាននិយាយថា ភាពជោគជ័យរបស់អ្នក លាក់ពួនក្រោយពាក្យមួយម៉ាត់ "កុំ"។ ពោលគឺ "កុំ" បន្តប្រព្រឹត្តទម្លាប់ដែលអ្នកគិតថាមិនរីកចម្រើនដល់ខ្លួន។
អ្នកជំនាញចិត្តសាស្រ្តនេះបាននិយាយថា ការបោះបង់អាកប្បកិរិយាអាក្រក់វាជារឿងលំបាក ព្រោះខួរក្បាលត្រូវធ្វើការធ្ងន់ដើម្បីប្រយុទ្ធប្រឆាំងទម្លាប់មិនល្អទាំងនោះ។
Imber បានបន្ថែមថា កម្លាំងឆន្ទៈ ខ្លាំងបំផុតគឺនៅពេលព្រឹក។ ដូច្នេះ ប្រសិនបើអ្នកកំពុងព្យាយាមចង់ផ្លាស់ប្តូរទម្លាប់មិនល្អចោល ត្រូវចាប់ផ្តើមឲ្យខួរក្បាលប្រយុទ្ធប្រឆាំងនឹងឥរិយាបទទាំងនោះនៅពេលព្រឹក។
អ្នកចិត្តសាស្រ្តដដែលក៏បានអះអាងដែរថា តាមការស្រាវជ្រាវបានបង្ហាញថាមនុស្សដែលនិយាយថា " don't ឬ កុំ" ប្រសើរជាង អ្នកដែលនិយាយថា "can't ឬ មិនអាច" ពីព្រោះថា ៥០% នៃអ្នកនិយាយថា “can't” ទំនងជានឹងប្រកាន់ខ្ជាប់មិនចង់បោះបង់ទម្លាប់ប្រចាំថ្ងៃរបស់ខ្លួនឡើយ ទោះជាដឹងថាមិនល្អក៏ដោយ៕