- 2018-09-05 08:42:06
- ជំនឿ
ចំណុចពិសេស ៣ លើផ្ទៃមុខ ទាល់តែនារីមានអំណាចទើបមាន
- 2018-09-05 08:42:06
- ចំនួនមតិ 0 | ចំនួនចែករំលែក 0
ចំណុចពិសេស ៣ លើផ្ទៃមុខ ទាល់តែនារីមានអំណាចទើបមាន
ចន្លោះមិនឃើញ
ក្នុងហុងស៊ុយទម្រង់មុខ ដើម្បីដឹងថាមនុស្សស្រីម្នាក់មានអំណាចទៅថ្ងៃក្រោយឬអត់ គ្រាន់តែមើលចំណុចទាំង៣នេះ គឺអាចដឹងហើយ៖
១. ថ្ងាសខ្ពស់ និងគ្មានស្នាមជ្រីវជ្រួញ
នារីកើតមកដែលមានថ្ងាសខ្ពស់ ម៉ត់រលោង គ្មានស្នាមជ្រីវជ្រួញតែងមានជើងលេខខ្ពង់ខ្ពស់ និងអំណាចក្នុងដៃ។ អ្នកទាំងនេះតែងមានប្រាជ្ញាវៀងវៃ ធ្វើអ្វីមួយប្រាកដជាបានសម្រេច។ មិនត្រឹមតែប៉ុណ្ណោះ ថ្ងាសខ្ពស់ក៏តំណាងឲ្យអាជីពការងារទូលំទូលាយ រលូនគ្មានអ្វីមករាំងស្ទះ។ ឈានជើងដល់វ័យកណ្ដាល គឺជាពេលដែលអាជីពការងាររបស់ពួកគេចាប់ផ្ដើមរឹងមាំខ្លាំង។ គ្រប់សម្ដីដែលពួកគេនិយាយចេញមកគឺសុទ្ធតែមានទម្ងន់ទាំងអស់។
២. ចុងច្រមុះមូល
ក្នុងហុងស៊ុយទម្រង់មុខ ចុងច្រមុះត្រូវបានចាត់ទុកជាចំណុចមួយក្នុងចំណុចទាំង៥ដែលទាក់ទាញលាភជាងគេ។ មនុស្សស្រីជាច្រើនតែងចង់បានបានច្រមុះស្រួច ហើយទៅកែកុនច្រុមុះខ្លួនឯងទៀតផង។ យ៉ាងណាក្ដី ចុងច្រមុះធំ និងមូលទើបជាច្រមុះដែលហៅលាភចូល។
មនុស្សស្រីដែលមានច្រមុះនេះ ដែលគេតែងហៅថាច្រមុះតោនោះតែងមានពូកែរកស៊ី និងលុយចាយមិនខ្វះ។ ឈានចូលវ័យកណ្ដាល អ្នកទាំងនេះនឹងលែងបារម្ភពីរឿងលុយកាក់ទៀតហើយ។ បន្ថែមពីនេះ ពួកគេក៏មានសំណាងរឿងគ្រួសារដែរ ដោយតែងមានប្ដីស្រលាញ់ថ្នាក់ថ្នមជានិច្ច។
៣. ថ្ពាល់ខ្ពស់ និងពេញ
នារីដែលមានថ្ពាល់ខ្ពស់ និងពេញតែងមានមហិច្ឆតាខ្ពស់ និងអំណាចអរូបិយដែលអ្នកដទៃមិនងាយយល់។ នៅកន្លែងរកស៊ី ឬធ្វើការពួកគេមានទឹកមាត់ប្រៃ និយាយអ្វីក៏អ្នកដទៃត្រូវស្ដាប់តាម។ ទ្រព្យសម្បត្តិរបស់ពួកគេនឹងកើនទៅតាមអាយុ មានន័យថាវ័យកាន់តែជ្រេ លុយចូលកាន់តែច្រើន៕
ចុចអាន៖
