• 2018-11-19 04:15:00
  • សុខភាព

ប្តីល្អកម្ររកបាន តែងធ្វើ ៦រឿង ពេលប្រពន្ធកូនខ្ចី មិនថារវល់យ៉ាងណា

  • 2018-11-19 04:15:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយ​ភរិយា​សម្រាល​កូន​រួច​មាន​រឿង​ជាច្រើន ដែល​នាង​តែង​ត្រូវការ​ជំនួយ​ពី​ស្វាមី ទាំង​ផ្នែក​រាង​កាយ និង​ផ្លូវ​ចិត្ត ទម្រាំ​ដល់​សុខភាព​បាន​រឹងមាំ​ធម្មតា​វិញ។

ដំណាក់កាល​នេះ​ហើយ គេ​តែង​ឃើញ​មាន​បុរស​ល្អ ដែល​ចេះ​ជួយ​ទុក្ខធុរៈ​ប្រពន្ធ​ពេល​សរសៃ​ខ្ចី ឬ​ហៅថា​ប្ដី​ដែល​ស្រលាញ់​ប្រពន្ធ​ខ្លាំង។ មិនថា រៀបការ​រួច រហូត​ដល់​មាន​កូន ​បុរស​ល្អ​​ទោះ​រវល់​ការងារ​យ៉ាងណា ក៏​គេ​នៅ​តែ​មិន​ចោល​កិច្ចការ​៦ យ៉ាង​នេះ។

រូបតំណាង

១. ភាព​ផ្អែមល្ហែម

មិន​ថា​រៀបការ​រួច រហូត​ដល់​ពេល​មាន​កូន​ទេ ប្ដី​ប្រភេទ​នេះ តែង​រក្សា​បាន​នូវ​ភាព​ផ្អែមល្ហែម​ជានិច្ច។ ឧទាហរណ៍ នៅ​ពេល​ដែល​ចេញ​ពី​បន្ទប់​សម្រាល​ភ្លាម បើ​ស្វាមី​អ្នក​រត់​មក​អោប​អ្នក​ភ្លាម ហើយ​និយាយ​ថា“នឿយ​ហត់​ហើយ​ប្រពន្ធ​សម្លាញ់ អរគុណ​ច្រើន​អូន។” 

នេះ​ជា​ការ​បញ្ជាក់​ថា គេ​ពិត​ជា​ទុក​អ្នក​ជា​មនុស្ស​សំខាន់ ដោយ​មិនមែន​ទុក​អ្នក​គ្រាន់​តែ​ជា​របស់​សម្រាល​កូន​ឲ្យ​គេ​ទេ។

២. ពេល ព​កូន​លើក​ដំបូង​បំផុត

ប្រសិន​ជា​ពេល​ដែល​កើត​មក​ភ្លាម ប្ដី​អ្នក​ពរ​កូន​ហើយ​លួច​ស្រក់ទឹក​ភ្នែក នោះ​មាន​ន័យ​ថា គេ​ទុក​គ្រួសារ​មួយ​នេះ​សំខាន់​ស្មើ​នឹង​ជីវិត​របស់​គេ។ ដូច​នេះ​ អ្នក​ជ្រើសរើស​បាន​ស្វាមី​ដែល​ត្រូវ​ហើយ។

៣. ជួយ​ថែទាំ​រាង​កាយ​ប្រពន្ធ (តំបន់​សម្ងាត់)

ពេល​សម្រាល​កូន​ហើយ​ស្ត្រី​អាច​មិន​សូវ​មាន​កម្លាំង​ដូច​ដើម។ ចំណុច​នេះ ប្រសិន​ជា​សា្វមី​មិន​ខ្លាច​កង្វក់​ហើយ​ជួយ​ផ្លាស់ប្ដូរ​សំឡី​អនាម័យ​ឲ្យ​អ្នក​ក្នុង​ពេល​យប់ ​ពេល​ដែល​អ្នក​ហត់នឿយ ហើយ​មិន​ប្រយ័ត្ន​ហើយ​ធ្វើ​ឲ្យ​ប្រឡាក់ នោះ​មាន​ន័យ​ថា គេ​ពិត​ជា​ស្រឡាញ់​អ្នក​ខ្លាំង ដោយ​ថែ​ទាំ​អ្នក​បាន​ល្អ។

៤. កាន់​ដៃ​ពេល​ទៅ​បន្ទប់​ទឹក

ប្រសិន​ជា​អ្នក​ក្រោក​ឡើង​ចូល​បន្ទប់​ទឹក គេ​ដឹង​ខ្លួន ហើយ​ងើប​មក​ជួយ​កាន់​ដៃ​អ្នក ខ្លាច​អ្នក​ដួល នោះ​អ្នក​រៀបការ​ត្រូវ​មនុស្ស​ហើយ ព្រោះ​ទោះ​បី​ជា​អ្នក​កើត​កូន​រួច ក៏​គេ​នៅ​តែ​យក​ចិត្ត​ទុកដាក់ និង​បារម្ភ​ពី​អ្នក​ដូច​ដើម​ដែរ។

៥. លួងលោម ដោយ​ភាសា​ពី​បេះដូង​ដ៏​រំភើប

រូបតំណាង

នៅ​ពេល​ដែល​អ្នក​ពិបាក​ចិត្ត​ឃើញ​ក្បាល​ពោះ​ខ្លួន​ធំ ហើយ​គេ​មើល​ដឹង ដោយ​ចេះ​និយាយ​លួង​អ្នក​ថា គេ​ចូលចិត្ត​អ្នក​មាន​រាង​បែប​នឹង មិន​ចូលចិត្ត​អ្នក​ស្គម​ពេក​ទេ។ បើ​គេ​ជា​ប្ដី​បែប​នេះ ​អ្នក​ពិត​ជា​ស្ត្រី​ដ៏​សំណាង​បំផុត​ ដូចបានមាសប៉ុនដូងទុំ។

៦. ជួយ​មើល​កូន​ពេល​យប់​ជ្រៅ

រូបថត Instagram គង់ ចាន់ស្រីមុំ

នៅ​ពេល​ដែល​កូន​យំ​នៅ​ពាក់​កណ្ដាល​យប់ ហើយ​គេ​ជា​អ្នក​ងើប​ឡើង​មក​លួង​កូន ហើយ​ឆុង​ទឹក​ដោះ​កូន​ដល់​កូន នោះ​មាន​ន័យ​ថា គេ​ជា​ប្ដី​ដែល​មិន​ងាយ​រក​បាន​ឡើយ។

ប្រភព៖ Health.com.kh ប្រែ​សម្រួល៖ ពៅ រក្សា

មតិយោបល់