- 2019-04-04 10:38:54
- ជំនឿ
ចូលឆ្នាំខ្មែរខាងមុខ គឺជាឆ្នាំកុរ មកមើលជោគជតារាសីឆ្នាំខ្លួនបន្តិចមើល !
- 2019-04-04 10:38:54
- ចំនួនមតិ 0 | ចំនួនចែករំលែក 0
ចូលឆ្នាំខ្មែរខាងមុខ គឺជាឆ្នាំកុរ មកមើលជោគជតារាសីឆ្នាំខ្លួនបន្តិចមើល !
ចន្លោះមិនឃើញ
នៅសល់តែជាង១សប្ដាហ៍ទៀតទេ ចូលឆ្នាំខ្មែរ ឆ្នាំថ្មីឆ្នាំកុរ នឹងមកដល់ ជំនួសឆ្នាំចាស់ឆ្នាំច។ តោះ! មកមើលជោគជតារាសីឆ្នាំកុរ ដែលនឹងមកដល់ឆាប់ៗនេះហើយ តើមានរាសីដូចម្ដេចដែរ?
បើជាមនុស្សប្រុសទំនាយថា៖ ក្នុងឆ្នាំនេះ ជាឆ្នាំដែលជោគជតារាសីរបស់លោកអ្នកបានល្អប្រសើរ នឹងបានលាភធំតែមុននឹងកើតលាភអ្នកត្រូវបាត់បង់ទ្រព្យរបស់ជាមុនសិនហេតុនេះត្រូវប្រុងប្រយ័ត្នខ្លួនបន្ដិច ព្រោះត្រូវចោរកម្មវាមានបំណងទុកបន្ទាប់ពីនោះទៅអ្នកនឹងត្រូវទទួលបានមុខតំណែងថ្មីមាននាទីទទួលខុសត្រូវជាន់ខ្ពស់ ឯជោគលាភដែលអ្នកត្រូវបាននោះនឹងបានមកពីទីឆ្ងាយ ហើយលោកអ្នកត្រូវខំរក្សាសុខភាពឲ្យបានល្អព្រោះ អាចមានជំងឺតម្កាត់ខ្លះផងនៅក្នុងឆ្នាំនេះ។
បើជាមនុស្សស្រីទំនាយថា៖ ក្នុងឆ្នាំនេះ ជាឆ្នាំដែលជោគជតារាសីរបស់លោកអ្នកបានល្អប្រសើរនឹងបានលាភធំ តែមុននឹងកើតលាភអ្នកត្រូវបាត់បង់ទ្រព្យរបស់ជាមុនសិន ហេតុនេះត្រូវប្រុងប្រយ័ត្នខ្លួនបន្តិច។ និយាយរួមទំនាយដូចជោគជតារាសី របស់មនុស្សប្រុសខាងលើដែរ។
តាមសៀវភៅមហាសង្ក្រាន្ត ២០១៩ បានឲ្យដឹងដែរថា លោកអ្នកកើតឆ្នាំកុរ ពង្សមនុស្សស្រី នាមជាសត្វជ្រូក ធាតុទឹក ទន្សាកំណើតនៅថ្ងៃព្រហស្បិ៍ សិរីធ្លាក់មកពីជើងឆ្វេងរបស់ព្រះព្រហ្មមូលព្រលឹងនៅនឹង គុម្ពឈូក ឬ ផ្កាឈូក។
លោកអ្នកកើតឆ្នាំនេះ គួរយកផ្កាឈូកបូជាព្រះរាល់ថ្ងៃកំណើត ខែកំណើត និងឆ្នាំកំណើតរបស់ខ្លួន ទើបបានសមសេចក្ដីប្រាថ្នាមានជោគលាភ និងរស់នៅត្រជាប់ជាសុខ។
មនុស្សកើតឆ្នាំនេះរមែងជាមនុស្សមានវាសនាពីអតីតជាតិមានគំនិត និងប្រាជ្ញាខ្ពង់ខ្ពស់ស្រឡាញ់សភាពស្ងប់ស្ងាត់ និយាយស្ដីតិចចូលចិត្តដេកច្រើនដូចសត្វជ្រូក។ ចិត្តធ្ងន់បើមានក្រេវគ្រោធកើតឡើងហើយ នឹងចងគំនំជាប់នឹងដួងចិត្ត។
ជាមនុស្សចូលចិត្តគិតច្រើន មាននិស្ស័យនឹងហ្ន មិនទទីសទទាស មានមិត្តភក្ដិច្រើនធ្វើការងារច្រើន បានជាមេគេ ដោយសារគំនិតប្រាជ្ញារបស់ខ្លួន មានសេចក្ដីស្នេហានឹងហ្ន ជាមនុស្សលាក់គំនួច តែប្រច័ណ្ឌច្រើន។
មុខរបរឬការងារដែលសមនឹងខ្សែជីវិតរបស់មនុស្សកើតឆ្នាំនេះ ឲ្យចម្រើនរុងរឿងលូតលាស់ត្រូវនឹងសម្លោករបស់ខ្លួននោះ គឺធ្វើជំនួញជួញប្រៃ នឹងបានទៅជាអ្នកមាន ទ្រពសម្បត្តិស្ដុកស្ដម្ភ។
បើធ្វើរាជការមិនសូវជាល្អប៉ុន្មានទេ ច្រើនតែត្រូវទទួលទោសទណ្ឌ ឬត្រូវបានទទួលការឥច្ឆាច្រណែនឈ្នានិស ពុំសូវមានសេចក្ដីសុខចម្រើនក្នុងជីវិតឡើយ ពុំនោះទេជាអ្នកប្រកបដោយរោគច្រើន។
ទំនាយខាងលើនេះ ដកស្រង់ពីសៀវភៅមហាសង្ក្រាន្តឆ្នាំកុរ ២០១៩ ដែលរៀបរៀងដោយ ឯកឧត្តម អ៊ឹម បុរិន្ទ អគ្គលេខាធិការរង គណៈកម្មាធិការជាតិរៀបចំបុណ្យជាតិ អន្ដរជាតិ គណៈកម្មការស្រាវជ្រាវវិជ្ជាហោរាសាស្រ្ត និងប្រពៃណី ទំនៀមទម្លាប់ខ្មែរ។