សង្សារវិទ្យាល័យ និង សង្សារនៅវ័យធ្វើការខុសគ្នាដូចម្ដេច?

2019-10-22 03:00:14
ស្នេហា

2019-10-22 03:00:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ការមានសង្សាររបស់យុវវ័យមួយចំនួន ភាគច្រើន គឺចាប់ផ្ដើមតាំងពីវ័យសិក្សាទៅ តែក៏មានយុវវ័យខ្លះរង់ចាំដល់ខ្លួនមានការងារធ្វើមានស្ថានភាពរស់នៅគួរសមទើបសម្រេចចិត្តមានស្នេហា។

តើការមានស្នេហាក្នុងវ័យសិក្សា និង ពេលចេញបម្រើការក្នុងសង្គមខុសគ្នារបៀបណាខ្លះ? ពិសេសសង្សារវិទ្យាល័យ និង សង្សារនៅកន្លែងធ្វើការខុសគ្នាដូចម្ដេច?

សូមចុចអាន៖ មើលម៉េចដឹងថាគេមិនមែនស្រលាញ់អ្នកលេងៗ?

Santhor Mok ទំនាក់ទំនងស្នេហាក្នុងវ័យសិក្សា (រូបតំណាង)

“ខ្ញុំមានសង្សារតាំងពីររៀនថ្នាក់ទី ១០ ដល់ថ្នាក់ទី ១២ ត្រូវបែកគ្នាដោយសារប៉ាម៉ាក់គេដូរអោយទៅរៀននៅក្រៅ”។ នេះជាការចែករំលែកបទពិសោធន៍របស់ ហេង ភស្តាវិរៈ អាយុ ២៥ ឆ្នាំ ដែលជាបុគ្គលិកនៅសមាគមសុខភាពគ្រួសាររ៉ាក់។

យុវជនរូបនេះបន្ថែមថា ការមានសង្សារកាលនៅសាលា និង ពេលចេញធ្វើការមានលក្ខណៈខុសគ្នាខ្លះត្រង់ថា ស្នេហាកាលនៅរៀនជាស្នេហាគ្រាដំបូង ពិបាកបំភ្លេចបានណាស់ តែមិនសូវបានខ្វល់ខ្វាយគិតគូរពីអនាគត រឺ មានផែនការអីច្បាស់លាស់ទេ។ លោកបន្ថែមថា ប៉ុន្តែ ការមានសង្សារក្នុងវ័យធ្វើការងារហាក់បានគិតគូរបានច្រើនជាង។

"ពេលនៅសាលារៀនភាគច្រើនយើងធ្វើតាមបេះដូងយើង បើយើងលួចស្រលាញ់គេ យើងចង់តែសារភាពត្រង់ៗ តែម្ដងអោយតែមានឱកាស។ ហើយពេលបានគេនិយាយជាមួយ រឺព្រមអោយឌុប យើងចាត់ទុកថា គេជាសង្សាររបស់យើងតែម្ដង។ តែពេលក្រោយមក គឺពេលយើងចេញធ្វើការ អាយុយើងច្រើនជាង មុនយើងមិនងាយហ៊ានញ៉ែស្រីផ្ដេសផ្ដាសទេ។ ជាការពិត មុនពេលស្រលាញ់អ្នកណាម្នាក់ យើងមិនមែនគ្រាន់តែពិនិត្យលើរូបសម្ផស្សគេនោះទេ តែយើងត្រូវដឹងពីស្ថានភាពគ្រួសារគេ បងប្អូនគេ តើគេមានទម្លាប់រស់នៅរបៀបណា? យើងនឹងគេអាចទៅរួចអត់? និយាយពិតទៅ គឺគិតពីអនាគតតែម្តង"។

ទោះបីយ៉ាងណា វិរៈ មិនដែលមានពិសោធន៍មានមិត្តស្រីនៅកន្លែងធ្វើការទេ។ គេនិយាយថា កន្លែងធ្វើការមិនមែនងាយស្រួលដូចនៅសាលារៀនទេ ពោលគឺបើមានបញ្ហា និង ប៉ះពាល់ដល់ការងាររៀងខ្លួន។

“សំខាន់យើងត្រូវច្បាស់ថា យើងមិនអាចលេងសើចបានទេ ពេលមានស្នេហាក្នុងវ័យហ្នឹងហើយនៅកន្លែងធ្វើការ ទៀត បើយើងមិនច្បាស់លាស់អាចនាំអោយយើងត្រូវវាយតម្លៃ គេមើលងាយ រឺ ពិបាកមើលមុខគ្នា"។

សូមចុចអាន៖ កន្លែងសំខាន់ៗនៃរាងកាយនារីៗដែលបុរសមើលហើយលួចស្រមើស្រមៃ

Ponnika Kalip Style ស្នេហាក្នុងពេលមានការងារធ្វើ (រូបតំណាង)

លោក វិរៈ សង្កត់ធ្ងន់ថា ចាប់ពីវ័យមានការងារធ្វើលោកចេះគិតច្រើនជាងមុន។ ការអត់ធ្មត់សង្កត់ចិត្ត ការទទួលយកយោបល់អ្នកដទៃក្នុងរឿង ស្នេហាមានច្រើនជាងមុន មិនដូចការនៅរៀនទេ គឺអ្វីៗធ្វើតាមការគិតរបស់ខ្លួនជាធំ មិនចូលចិត្តអោយមានអ្នកជ្រៀតជ្រែក អោយយោបល់អ្វីច្រើនឡើយ។

លោកបញ្ជាក់ថា ៖ "ខ្ញុំសូមអោយឪពុកម្ដាយដែលមានកូនវ័យជំទង់គួរពិចារណាលើចំណុចនេះ។ យើងដឹងហើយថា យុវវ័យសុទ្ធតែមានស្នេហាជៀសមិនរួចទេ តែដំណាក់កាល នៃការមានស្នេហា មិនមែនដូចគ្នាទាំងអស់ដែរ។ វាទាក់ទងទៅនឹងវ័យផង! ខ្ញុំសូមផ្ដាំថា វ័យនៅសាលាជាវ័យឈាមរាវបើកូនលោកអ្នកកំពុងមានស្នេហាក្នុងដំណាក់កាលនេះ គឺត្រូវការចិត្តសាស្ត្រខ្ពស់ណាស់ក្នុងការទាញកូនមកវិញ។ សម្រាប់ ខ្ញុំ បើអនាគតទៅខ្ញុំមានកូន ហើយឃើញគេមានសង្សារក្នុងវ័យហ្នឹង ខ្ញុំនឹងរកវិធីអ្វីក៏ដោយ អោយគេទុកចិត្តខ្ញុំនិយាយប្រាប់ខ្ញុំ ដើម្បីខ្ញុំមានឱកាសគ្រប់គ្រងបញ្ហារបស់គេបាន"។

ក្រោយពីអានបទពិសោធន៍ និង ទស្សនៈរបស់ វិរៈ រួចហើយ អ្នកទទួលបានគំនិតអ្វីខ្លះដែរ?

អត្ថបទ៖ ប៊ិន ប៊ុណ្ណា