• 2020-07-29 09:47:48
  • សុខភាព

មន្រ្តីជាន់ខ្ពស់ក្រសួងសុខាភិបាល​ «ជំងឺកូវី១៩ នៅកម្ពុជា ស្ថិតនៅក្នុងស្ថានភាពប្រុងប្រយ័ត្នខ្ពស់»

  • 2020-07-29 09:47:48
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មន្រ្តីជាន់ខ្ពស់​ក្រសួងសុខាភិបាល នៃព្រះរាជាណាចក្រ​កម្ពុជា បានក្រើន​រំលឹក​អំពីស្ថានភាព​ជំងឺកូវីដ១៩ គឺស្ថិតនៅ​ក្នុង​ស្ថានភាព​ប្រុងប្រយ័ត្នខ្ពស់​នៅឡើយ ដោយ​ត្រូវ​បន្ដ​ការប្រុងប្រយ័ត្ន ហើយ​គោរព​តាម​ការ​ណែនាំ​របស់​ក្រសួង​ និង​រាជរដ្ឋាភិបាល​កម្ពុជា។

លោកជំទាវ ឱ វណ្ណឌីន អ្នកនាំពាក្យ​ក្រសួងសុខាភិបាល បាន​ប្រាប់​ក្រុម​អ្នក​សារព័ត៌មាន​នៅក្នុង​បណ្ដាញសង្គម​ Telegram នៅរសៀលថ្ងៃទី ២៩ ខែកក្កដានេះថា កម្ពុជានៅតែប្រុងប្រយ័ត្នខ្ពស់​បញ្ហាការរីករាលដាលជំងឺកូវីដ១៩​ បើទោះបីជាមិនទានមានការចម្លង​ដល់សហគមន៍នៅឡើយ​ក៏ដោយ។ ការប្រុងប្រយ័ត្នខ្ពស់ ដោយសារ​កម្ពុជា បាន​រកឃើញវិជ្ជមានកូវីដ១៩ ជាបន្តបន្ទាប់ នៅមួយរយៈចុងក្រោយនេះ។​

ដើម្បីការពារជំងឺនេះបាន ប្រជាពលរដ្ឋ​ត្រូវប្រកាន់ខ្ជាប់​នូវគោលការណ៍​ ៣យ៉ាង គឺ៖

  • ១. ការរក្សា​អនាម័យ៖ ត្រូវប្រកាន់ខ្ជាប់​នូវ​កត្តាអនាម័យ​ លាងដៃនឹងសាប៊ូ ឬជែល ឲ្យ​បាន​ញឹកញាប់​ជារៀងរាល់ថ្ងៃ។

  • ២. ប្រើប្រាស់ម៉ាស់៖ ការពារក់ម៉ាស់ត្រូវធ្វើឡើង​ឲ្យ​បាន​ត្រឹមត្រូវ​ និង​សុវត្ថិភាព ការពារពីការ​ឆ្លងជំងឺកូវីដ និងជំងឺផ្សេងៗ​ទៀត

  • ៣. រក្សាគម្លាត៖ ការរក្សាគម្លាត​នៅតែបន្ដ គឺយ៉ាងហោចណាស់ ១ម៉ែត្រកន្លះ ឡើង​ទៅ ។

ប្រទេសកម្ពុជា​បាន​រកឃើញអ្នក​ឆ្លងជំងឺកូវីដ១៩ សរុប​ចំនួន ២៣៣នាក់ ក្នុង​នោះបានព្យាបាលជាសះស្បើយ​សរុបចំនួន​ ១៥៤នាក់ ហើយ​អ្នក​កំពុងសម្រាកព្យាបាលជំងឺនេះ នៅមន្ទីរពេទ្យ​សរុប​ចំនួន​ ៧៧នាក់៕

អត្ថបទ៖ ប៊ិន ប៊ុណ្ណា

មតិយោបល់
អត្ថបទពេញនិយម